ବାଲେଶ୍ୱର (ବଡ଼ ଖବର ବ୍ୟୁରୋ): ନୂଆ ରୂପ ପାଇବ ବାଲେଶ୍ୱରର ପଞ୍ଚଲିଙ୍ଗେଶ୍ୱର ଶୈବପୀଠ । ରୂପାନ୍ତର ପାଇଁ ଖର୍ଚ୍ଚ ହେବ ୧୫ କୋଟି ୫୮ ଲକ୍ଷ । ଶୈବପୀଠ ର ସୌନ୍ଦର୍ୟ୍ୟକରଣ ଓ ପର୍ଯ୍ୟଟକଙ୍କ ସୁବିଧା ଲାଗି କରାଯିବ ବିକାଶ । ରୂପାନ୍ତର ପାଇଁ ରାଜ୍ୟ ସରକାର କରିବେ ଖର୍ଚ୍ଚ ।ଉତ୍ତର ଓଡ଼ିଶାର ପ୍ରସିଦ୍ଧ ବାବା ପଞ୍ଚଲିଙ୍ଗେଶ୍ୱର ଶୈବପୀଠ, ଯେଉଁଠି ରାଜ୍ୟ ଓ ତଥା ରାଜ୍ୟ ବାହାରରୁ ପର୍ଯ୍ୟଟକଙ୍କ ବେଶ୍ ଭିଡ଼ ଜମେ । ଦୀର୍ଘ ବର୍ଷ ପରେ ୫-ଟି ଉପକ୍ରମରେ ସମଗ୍ର ପୀଠର ହେବ ବିକାଶ । ମନ୍ଦିରର ପାରିପାର୍ଶ୍ବିକବିକାଶ ଓ ସୌନ୍ଦର୍ଜୀକରଣ ପାଇଁ ରାଜ୍ୟ ସରକାର ୧୫ କୋଟି ୫୮ ଲକ୍ଷ ଟଙ୍କା ମଞ୍ଜୁର କରିଥିବା ଜଣା ପଡିଛି । ସେପଟେ ପଞ୍ଚଲିଙ୍ଗେଶ୍ୱର ଶୈବପୀଠ ବିକାଶର ମାଷ୍ଟର ପ୍ଲାନ ପାଇଁ ବାଲେଶ୍ୱର ଜିଲ୍ଲାପାଳଙ୍କୁ ସରକାରଙ୍କ ନିର୍ଦ୍ଦେଶ ଯାଇଛି। ପଞ୍ଚଲିଙ୍ଗେଶ୍ୱର ପୁରା ମନ୍ଦିରର ପୁନର୍ବିକାଶ ସହିତ ଗୁମ୍ଫା ଓ ଯଜ୍ଞ ମଣ୍ଡପକୁ ପ୍ରବେଶ ପଥ ନିର୍ମାଣ କରାଯିବ । ପୂଜାର୍ଚ୍ଚନା ସ୍ଥାନର ପରିବର୍ତ୍ତନ କରାଯାଇ ଅଧିକ ସୌନ୍ଦର୍ଜୀକରଣ କରାଯିବା ସହ ମନ୍ଦିରର ପାର୍ଶ୍ଵବର୍ତ୍ତୀ ଯାଗା ଭିତରେ ସପିଂ କମ୍ପ୍ଲେକ୍ସ , ପାର୍କ , ଗାଡି ପାର୍କିଂ ପିକ୍ନିକ୍ ପାଇଁ ବ୍ୟବସ୍ଥା ମଧ୍ୟ କରାଯିବା ସହ, ଏଠାରେ ଫୁଡକୋର୍ଟ, ଜଳକ୍ରୀଡା ଇତ୍ୟାଦି ନିର୍ମାଣ ହେବ ।
