ରେକର୍ଡ଼ ସଂଖ୍ୟକ ପାସ ହାର
ଭୁବନେଶ୍ୱର(ବଡ଼ ଖବର ବ୍ୟୁରୋ):ବିନା ପରୀକ୍ଷାରେ ପ୍ରକାଶ ପାଇଛି ମାଟ୍ରିକ ଫଳ । ଆଉ ଏଥରବି ଆଗରେ ରହିଛନ୍ତି ଛାତ୍ରୀ । ଚଳିତବର୍ଷ ରେକର୍ଡ଼ ସଂଖ୍ୟକ ଛାତ୍ରଛାତ୍ରୀ ପାସ କରଛନ୍ତି । ୯୭.୮୯ ପ୍ରତିଶତ ରହିଛି ଏବର୍ଷର ପାସ ହାର । ୨୦୨୦ରେ ପାସ ହାର ଥିଲା ୮୦.୫୯% । ଏବର୍ଷ ସର୍ବାଧିକ ରହି ରେକର୍ଡ଼ ସୃଷ୍ଟି ହୋଇଛି ପାସ ହାରରେ । ଚଳିତବର୍ଷ ମୋଟ ୫ଲକ୍ଷ ୧୦ହଜାର ଛାତ୍ରଛାତ୍ରୀ ପାସ କରିଛନ୍ତି । ସେମାନଙ୍କ ମଧ୍ୟରୁ ମୋଟ ୨ଲକ୍ଷ ୮୧ହଜାର ୬୫୮ଜଣ ଛାତ୍ରୀ ପାସ କରିଥିବା ବେଳେ ୨ଲକ୍ଷ ୮୦ହଜାର ୩୫୨ଜଣ ଛାତ୍ର ପାସ କରିଛନ୍ତି ।
ସେହିପରି ଏ-୧ ଗ୍ରେଡ଼ରେ ୨ହଜାର ୬୫୬ଜଣ ପାସ କରିଥିବା ବେଳେ ଏ-୨ରେ ୨୨ହଜାର ୧୩୧ଜଣ ପାସ କରିଚନ୍ତି । ବି୧ ଗ୍ରେଡରେ ପାସ୍ କରିଛନ୍ତି ୫୨ହଜାର ୧୯୯ ଛାତ୍ରଛାତ୍ରୀ ଓ ବି୨ ଗ୍ରେଡରେ ପାସ୍ କରିଛନ୍ତି ୯୪ହଜାର ୪୭୫ ପିଲା । ତେବେ ସି ଗ୍ରେଡରେ ୧ ଲକ୍ଷ ୩୭ ହଜାର ୧୪, ଡି ଗ୍ରେଡରେ ୧ ଲକ୍ଷ ୫୧ ହଜାର ୬୩୯, ଇ ଗ୍ରେଡରେ ୧ ଲକ୍ଷ ୧ ହଜାର ୭୯୬ ଓ ଏଫ ଗ୍ରେଡରେ ୭ ହଜାର ୭୦୩ ଜଣ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି ।
