ମୋଷ୍ଟୱାଣ୍ଟେଡ୍ ଆତଙ୍କବାଦୀ ସାହିଦ ଲତିଫ୍କୁ ପାକିସ୍ତାନରେ ଗୁଳିକରି ହତ୍ୟା
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପଠାନକୋଟ୍ ମାଷ୍ଟରମାଇଣ୍ଡକୁ ହତ୍ୟା । ମୋଷ୍ଟ ୱାଣ୍ଟେଡ୍ ଆତଙ୍କବାଦୀ ସାହିଦ ଲତିଫ୍କୁ ପାକିସ୍ତାନରେ ଗୁଳିକରି ହତ୍ୟା । ସିଆଲକୋଟ୍ରେ ଗୁଳିକରି ହତ୍ୟା କଲେ ଅଜଣା ଦୁର୍ବୃତ୍ତ । ଏନଆଇଏର ୱାଣ୍ଟେଡ୍ ତାଲିକାରେ ଥିଲା ସାହିଦ ଲତିଫ୍ । ପଠାନକୋଟ୍ ଆକ୍ରମଣର ମାଷ୍ଟରମାଇଣ୍ଡ ଥିଲା ସାହିଦ । ୨୦୧୬ ଜାନୁୟାରୀ ଦୁଇ ତାରିଖରେ ପଠାନକୋଟ ଏୟାରବେସରେ ହୋଇଥିବା ଆତଙ୍କବାଦୀ ଆକ୍ରମଣର ମାଷ୍ଟର ମାଇଣ୍ଡ ଥିଲା ସାହିଦ ଲତିଫ୍ ସାହିଦ । ଏହା ବ୍ୟତୀତ ଇଣ୍ଡିଆନ୍ ଏୟାରଲାଇନ୍ସର ବିମାନ ଅପହରଣ ମାମଲାରେ ମଧ୍ୟ ଅଭିଯୁକ୍ତ ଥିଲା ସାହିଦ ।ଲତିଫ ପାକିସ୍ତାନର ପଞ୍ଜାବ ପ୍ରଦେଶର ଗୁଜରାନୱାଲାର ବାସିନ୍ଦା ଥିଲା ।
ଜୈଶ-ଏ-ମହମ୍ମଦଙ୍କ ସହ ଜଡିତ ଥିଲା ମୃତ ଅତଙ୍କୀ । ସିଆଲକୋଟ ସେକ୍ଟରର କମାଣ୍ଡର ଥିଲେ ସାହିଦ ଲତିଫ, ଯିଏ ଭାରତରେ ଆତଙ୍କବାଦୀଙ୍କୁ ଅନୁପ୍ରବେଶ କରାଇବାର କାମ କରିବା ସହ ଆତଙ୍କବାଦୀ ଆକ୍ରମଣ ଯୋଜନା କରୁଥିଲା । ସାହିଦ ଲତିଫକୁ ନଭେମ୍ବର ୧୨, ୧୯୯୪ରେ ଗିରଫ କରାଯାଇଥିଲା ଏବଂ ଭାରତୀୟ କାରାଗାରରେ ୧୬ ବର୍ଷ ସଜା କାଟିବା ପରେ ୨୦୧୦ରେ ୱାଗା ରାସ୍ତାରେ ପାକିସ୍ତାନକୁ ପ୍ରତ୍ୟର୍ପଣ କରାଯାଇଥିଲା।