ପୱନ ଖେଡ଼ାଙ୍କୁ ମିଳିଲା ଅନ୍ତରୀଣ ଜାମିନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଖେଡ଼ାଙ୍କୁ ମିଳିଲା ଅନ୍ତରୀଣ ଜାମିନ । ସୁପ୍ରିମକୋର୍ଟ ଖେଡ଼ାଙ୍କୁ ଆଶ୍ୱସ୍ତି ଦେବା ସହ ଅନ୍ତରୀଣ ଜାମିନ ଦେବା ପାଇଁ ଦ୍ୱାରକା କୋର୍ଟଙ୍କୁ ନିର୍ଦ୍ଦେଶ ଦେଇଛନ୍ତି । କଂଗ୍ରେସ ନେତା ପୱନ ଖେଡ଼ାଙ୍କୁ ଆସାମ ପୋଲିସ ଦିଲ୍ଲୀ ବିମାନବନ୍ଦରରେ ଗିରଫ କରିଥିଲା । ଗୁରୁବାର ପୱନ ଅନ୍ୟ ଦଳୀୟ ନେତାଙ୍କ ସହ ରାୟପୁରରେ ଆୟୋଜିତ ଅଧିବେଶନରେ ଯୋଗଦେବାକୁ ଯାଉଥିଲେ। ଦିଲ୍ଲୀ ବିମାନବନ୍ଦରରେ ତାଙ୍କୁ ଗିରଫ କରାଯାଇଥିଲା। ଗିରଫ ପରେ ପୋଲିସ ପ୍ରଥମେ ପୱନ ଖେଡାଙ୍କ ଚିକିତ୍ସା ଶେଷ କରି ସୁପ୍ରିମକୋର୍ଟରେ ହାଜର କରିଥିଲା । ଯେଉଁଠାରେ ଏହି ମାମଲାର ଶୁଣାଣି ଚାଲିଥିଲା। ଶୁଣାଣି ପରେ ସୁପ୍ରିମକୋର୍ଟ ଖେଡ଼ାଙ୍କୁ ଆଶ୍ୱସ୍ତି ଦେଇଛନ୍ତି ଏବଂ ଅନ୍ତରୀଣ ଜାମିନ ପ୍ରଦାନ କରିବାକୁ ଦ୍ୱାରକା କୋର୍ଟକୁ ନିର୍ଦ୍ଦେଶ ଦେଇଛନ୍ତି।