ଭୁବନେଶ୍ୱର(ବଡ଼ ଖବର ବ୍ୟୁରୋ): ବିବାଦରେ ମନ୍ତ୍ରୀ ଜଗନ୍ନାଥ ସାରକା । ଅନୁସୂଚିିତ ଜାତି ଓ ଜନଜାତି ମନ୍ତ୍ରୀ ଜଗନ୍ନାଥ ସାରକାଙ୍କ ଦୁର୍ନୀତିର ଲିଙ୍କ୍ ବଡ଼ ଖବର ବାହାର କରିଥିବା ବେଳେ ଏବେ ନିଜ ଅଂଚଳ ଲୋକେ ତାଙ୍କୁ ବିରୋଧ କରିଛନ୍ତି । ବିଜେପି ଓ ଆମ୍ ଆଦମୀ ପାର୍ଟି ରାଜରାସ୍ତାକୁ ଓହ୍ଲାଇବା ସହ ଇସ୍ତଫା ଦାବି କରିଛି । ବଢୁଛି ମନ୍ତ୍ରୀ ଜଗନ୍ନାଥ ସାରକାଙ୍କୁ ଅଡୁଆ । ବିବାଦ ଘେରରେ ଛନ୍ଦି ହେଉଛନ୍ତି ମନ୍ତ୍ରୀ । ଦୁର୍ନୀତିର କଳା ସାମ୍ରାଜ୍ୟରେ ମନ୍ତ୍ରୀ ଜଗନ୍ନାଥ ସାରକାଙ୍କ ଲିଙ୍କ୍ର ଗୁମର ଗୋଟିଏ ପରେ ଗୋଟିଏ ଖୋଲିବାରେ ଲାଗିଛି । ମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି ଖୋଦ ମନ୍ତ୍ରୀଙ୍କ ଅଂଚଳ ଲୋକେ ।
ରାୟଗଡା ବିଜେପି ଓ ଆମ ଆଦମୀ ପାର୍ଟର ନେତା ଓ କର୍ମୀମାନେ ଅନୁସୂଚିତ ଜାତି ଓ ଜନଜାତି ମନ୍ତ୍ରୀ ଜଗନ୍ନାଥ ସାରକାଙ୍କ କୁଶପୁତ୍ତଳିକା ଦାହ କରିଛନ୍ତି । ମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି । ରାଜ୍ୟ ସରକାର ତୁରନ୍ତ ମନ୍ତ୍ରୀ ପଦରୁ ବିଦା ନ କଲେ ଆନ୍ଦୋଳନ ଜୋରଦାର କରାଯିବ ବୋଲି କହିଛି ବିଜେପି । କଳା ସାମ୍ରାଜ୍ୟର ମହାଖୁଲାସା । ଖବର ପ୍ରସାରଣ ପରେ ବଡ଼ ଖବର ଆଗରେ ମୁହଁ ଖୋଲିଛନ୍ତି ଖୋଦ୍ ପ୍ରଜ୍ଞା ଗରାବଡ଼ୁଙ୍କ ସ୍ୱାମୀ ସୁଶାନ୍ତ ପାତ୍ର । ତାଙ୍କ ନାଁରେ ଆସିଥିବା ସମସ୍ତ ଅଭିଯୋଗକୁ ଖୋଲାଖୋଲି ଭାବେ ଖଣ୍ଡନ କରିଛନ୍ତି ।
ରାୟଗଡାରେ ଚାଲିଥିବା ଚୋରା ଅବକାରୀ କାରବାରକୁ ଖଣ୍ଡନ କରିଛନ୍ତି ସୁଶାନ୍ତ । ଏହି କାରନାମା ସହିତ ଥିବା ମନ୍ତ୍ରୀଙ୍କ ଲିଙ୍କକୁ ନାହିଁ ବୋଲି ସ୍ପଷ୍ଟିକରଣ ଦେଇଛନ୍ତି । କହିଛନ୍ତି ପରିବାରିକ କଳହ ସହିତ ମନ୍ତ୍ରୀଙ୍କ କୌଣସି ଲିଙ୍କ ନାହିଁ । ସାହସର ସହ ମନ୍ତ୍ରୀ ଜଗନ୍ନାଥ ସାରକାଙ୍କ ଗୁମର ମହିଳା କନେଷ୍ଟବଳ ଖୋଲିବା ପରେ ବଢୁଛି ମନ୍ତ୍ରୀଙ୍କ ଇସ୍ତଫା ଦାବି । ସେପଟେ କିନ୍ତୁ ସମସ୍ତ ଅଭିଯୋଗକୁ ଖଣ୍ଡନ କରିଛନ୍ତି ସୁଶାନ୍ତ ।
