ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ୯ ବର୍ଷରେ ୨ ଗୁଣା ହୋଇଛି ମୁଣ୍ଡପିଛା ଆୟ । ୨୦୧୪ରେ ଭାରତର ମୁଣ୍ଡପିଛା ଆୟ ବର୍ଷକୁ ୮୬.୪୬୭ ଥିଲା ଯାହା ଏବେ ବୃଦ୍ଧି ପାଇ୧.୭୨ ଲକ୍ଷରେ ପହଞ୍ଚିଛି । ଜାତୀୟ ପରିସଂଖ୍ୟାନ କାର୍ଯ୍ୟାଳୟ ବା ଏନଏସଓର ରିପୋର୍ଟ ଅନୁସାରେ, ମୋଦି ସରକାରଙ୍କ ୯ ବର୍ଷ ଶାସନ ମଧ୍ୟରେ ଏହି ସଫଳତା ହାସଲ କରାଯାଇଛି। ମୁଣ୍ଡପିଛା ଆୟକୁ ଏନଏସଓ ୨୦୨୦-୨୧ ପାଇଁ ୧,୨୭,୦୬୫ ଟଙ୍କା ଏବଂ ୨୦୨୧-୨୨ ପାଇଁ ୧,୪୮,୫୨୪ ଟଙ୍କା ଆକଳନ କରିଛି। ବର୍ତ୍ତମାନ ଭାରତରେ ମୁଣ୍ଡପିଛା ଆୟ ଗତ ବର୍ଷ ତୁଳନାରେ ୧୫.୮ ପ୍ରତିଶତ ବୃଦ୍ଧି ପାଇଛି। ଭାରତର ଅର୍ଥନୀତି ସମ୍ପୂର୍ଣ୍ଣ ସୁସ୍ଥ ଏବଂ ମୁଣ୍ଡପିଛା ଆୟ କ୍ରମାଗତ ଭାବେ ବୃଦ୍ଧି ପାଉଥିବା ଏହି ରିପୋର୍ଟରୁ ଜଣାପଡିଛି ।
