ଡ୍ରାଇଭର ସଙ୍ଘକୁ ଖୁସି କରିବାକୁ ରାଜ୍ୟ ସରକାରଙ୍କ ଘୋଷଣା
ଭୁବନେଶ୍ଵର(ବଡ ଖବର ବ୍ୟୁରୋ): ମୋଟର ଯାନ ଡ୍ରାଇଭର ଓ କର୍ମଚାରୀ କଲ୍ୟାଣ ଯୋଜନାକୁ ଅନୁମୋଦନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିପାଇଁ ବୋର୍ଡ ଗଠନ ହେବ । ପ୍ରାଥମିକ ଭାବେ ଅନୁଦାନ ଦେବେ ରାଜ୍ୟ ସରକାର । ପରବର୍ତ୍ତୀ ସମୟରେ ଅନ୍ୟାନ୍ୟ ଉତ୍ସରୁ ହେବ ପାଣ୍ଠି ସଂଗ୍ରହ । ମୃତୁ୍ୟ କ୍ଷେତ୍ରରେ ଡ୍ରାଇଭର ଓ କର୍ମଚାରୀଙ୍କ ପରିବାର ସଦସ୍ୟଙ୍କୁ ମିଳିବ ୪ ଲକ୍ଷ ଟଙ୍କା । ସେହିଭଳି ଗୁରୁତର ଆହତ କ୍ଷେତ୍ରରେ ୮୦ ହଜାର, ସ୍ଥାୟୀ ଅକ୍ଷମତା କ୍ଷେତ୍ରରେ ଦେଢ ଲକ୍ଷ ଓ ସାଧାରଣ ମୃତୁ୍ୟ ମାମଲାରେ ୨ ଲକ୍ଷ ଟଙ୍କା ପ୍ରଦାନ କରାଯିବ । ବୋର୍ଡରେ ସରକାରୀ ସଦସ୍ୟଙ୍କ ସହ ଡ୍ରାଇଭର ସଙ୍ଘ ପ୍ରତିନିଧି ରହିବେ ।