ପିପିଲି (ବଡ଼ ଖବର ବ୍ୟୁରୋ): ସରକାର ‘ମୋ କୁଡ଼ିଆ’ଠୁ ଆରମ୍ଭକରି ‘ପ୍ରଧାନମନ୍ତ୍ରୀ ଆବାସ’ ଯୋଜନା ଭଳି ଅନେକ ଯୋଜନା କାର୍ଯ୍ୟକାରୀ କରିଛନ୍ତି । ହେଲେ ଗରିବଙ୍କ ପାଇଁ ଏହି ଯୋଜନା ପାଲଟିଛି ପ୍ରହସନ । ପୁରୀ ଜିଲ୍ଲା ପିପିଲି ଏନଏସି ୧୧ ନଂ ୱାର୍ଡର ଦିବ୍ୟାଙ୍ଗ ସୁଶାନ୍ତ ବେହେରା । ସ୍ତ୍ରୀ ଓ ୨ ପିଲାକୁ ଧରି ରହୁଛନ୍ତି ଏକ ଭଙ୍ଗା ଦଦରା ଚାଳଘରେ । ମହାବାତ୍ୟା ଫନୀରେ ତାଙ୍କର ଘର ଭାଙ୍ଗି ଯାଇଥିଲା । ସରକାର ସହାୟତା ରାଶି ଘୋଷଣା କରିଥିଲେ କିନ୍ତୁ ସୁଶାନ୍ତ ଏଥିରୁ ବଞ୍ଚିତ ରହିଛନ୍ତି । ପ୍ରଶାସନଠୁ ଆରମ୍ଭ କରି ଜନପ୍ରତିନିଧିମାନଙ୍କୁ ଦୁଃଖ ଜଣାଇଥିଲେ ମଧ୍ୟ କେହି ଶୁଣୁନଥିବା ସେ କହିଛନ୍ତି । ଘର ଭାଙ୍ଗିବାର ୧୬ ମାସ ପରେ ମଧ୍ୟ କିଛି ଆର୍ଥିକ ସହାୟତା ପାଇ ପାରୁନାହାନ୍ତି ସୁଶାନ୍ତ। ତେବେ ନିଃସହାୟ ସୁଶାନ୍ତଙ୍କୁ କେବେ ନ୍ୟାୟ ମିଳିବ ଦେଖିବାକୁ ବାକି ରହିଲା ।
