Before Header

ଫ୍ରି ଫାଇଆର ଖେଳିବା ହେଲା କାଳ

0 60

ଜଳେଶ୍ୱର(ବଡ଼ ଖବର ବ୍ୟୁରୋ): ଫ୍ରି ଫାଇଆର ଖେଳିବା ହେଲା କାଳ । ମୋବାଇଲରେ ଫ୍ରି ଫାୟାର ଗେମ୍ ଖେଳି ଆତ୍ମହତ୍ୟା ଉଦ୍ୟମ କଲେ ଛାତ୍ର । ଗୁରୁତର ଛାତ୍ରଙ୍କୁ ହସପିଟାଲରେ ଭର୍ତ୍ତି କଲେ ପରିବାର ଲୋକେ । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଗୌରୀବେଲଦା ଗ୍ରାମରେ । ଗୌରୀବେଲଦା ଗ୍ରାମର ଦିବାକାର ଜେନାଙ୍କ ପୁଅ ସତ୍ୟଜିତ +୨ ରେ ଅଧ୍ୟୟନ କରନ୍ତି । ତେବେ ସେ ଦୀର୍ଘ ଦିନ ଧରି ମୋବାଇଲେରେ ଫ୍ରି ଫାୟାର ଗେମ୍ ଖେଳୁଥିଲେ । ପାଠସାଠ ଛାଡି ଖେଳ ନିଶାରେ ଏତେ ବ୍ୟସ୍ତ ରହୁଥିଲେ ଯେ କାନକୁ ବାପା ,ମା ଙ୍କ କଥା ବି ବିଷାକ୍ତ ଲାଗୁଥିଲା ।

ସୋମବାର ରାତିରେ ସତ୍ୟଜିତ ଗେମ ଖେଳୁଥିବାର ପରିବାର ଲୋକେ ଦେଖିଥିଲେ । ଆଜି ସକାଳୁ ଘରର ପଛପଟେ ଥିବା ଏକ ଗଛରେ ବେକରେ ରଶି ଲଗାଇ ଅଚେତ ଅବସ୍ଥାରେ ସତ୍ୟଜିତ ଝୁଲୁଥିବାର ପଡିଥିବାର ପରିବାର ଲୋକେ ଦେଖି ତୁରନ୍ତ ଉଦ୍ଧାର କରି ଜଳେଶ୍ୱରସ୍ଥିତ ଜି କେ ଭଟ୍ଟର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ମାତ୍ର ସେଠାରେ ତାଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।

Leave A Reply

Your email address will not be published.