ପ୍ରଭୁ ଶ୍ରୀରାମଙ୍କ ପାଇଁ ଉପବାସ

ଉତ୍ତରପ୍ରଦେଶ (ବଡ଼ ଖବର ବ୍ୟୁରୋ): ସବୁଠି ଶୁଭୁଛି ଜୟ ଶ୍ରୀରାମ ଜୟ ଶ୍ରୀରାମ । ଉଠୁଛି ପଡୁଛି ଅଯୋଧ୍ୟା ନଗରୀ । କାହିଁକିନା ରାମଲାଲା ଆସୁଛନ୍ତି । ଜାନୁଆରୀ ୨୨ରେ ଭବ୍ୟ ମନ୍ଦିରରେ ବିାରାଜିବେ ମର୍ଯ୍ୟାଦା ପୁରୁଷୋତ୍ତମ ଭଗବାନ ଶ୍ରୀରାମ । ୩ ଦିନ ଧରି ଚାଲିବ ପ୍ରତିଷ୍ଠା ଦିବସ । ହୋମ ଯଜ୍ଞ, ରାମ ନାମରେ ପ୍ରକମ୍ପିତ ହେବ ପୁରା ଅଯୋଧ୍ୟା । ବହୁ ପଣ୍ଡିତ ମାନଙ୍କୁ ନେଇ ଗବେଷଣା କରାଯାଇ ଏକ ଶୁଭ ସମୟ ସ୍ଥିର କରାଯାଇଛି । ଗୁପ୍ତ ଭୋଟ ମାଧ୍ୟମରେ ରାମ ମନ୍ଦିର ପାଇଁ ପ୍ରତିମାକୁ ମଧ୍ୟ ଚୟନ କରାଯାଇଛି।

ଏହି ମହାନ କାର୍ଯ୍ୟକ୍ରମରେ ଭାଗ ନେବାକୁ ପ୍ରଧାନମନ୍ତ୍ରୀ ମଧ୍ୟ ଅଯୋଧ୍ୟା ଯିବେ ଏବଂ ସେ ଏହି ଦିନ ସେ ଉପବାସ ରଖିବେ। ଏହାପୂର୍ବରୁ ଜାନୁଆରୀ ୧୬ରେ ପ୍ରଧାନମନ୍ତ୍ରୀ ମୋଦିଙ୍କ ସଂକଳ୍ପିତ ହୋଇଥିବା ଅକ୍ଷତଙ୍କୁ ଅଯୋଧ୍ୟାରେ ପହଞ୍ଚାଯିବ। ଅକ୍ଷତ ପହଞ୍ଚିବା ପରେ ୭ଦିନର ରୀତିନୀତି ଆରମ୍ଭ ହେବ। ଶାସ୍ତ୍ରୀୟ ନିୟମ ଏବଂ ପରମ୍ପରା ଅନୁଯାୟୀ, ଯଜମାନକଙ୍କୁ ଦିନସାରା ଉପବାସ କରିବାକୁ ପଡ଼ିବ ଏବଂ ସମସ୍ତ ଧାର୍ମିକ ରୀତିନୀତି ସଂପୂର୍ଣ୍ଣ କରିବାକୁ ପଡ଼ିବ । ଯେହେତୁ ପ୍ରାଣପ୍ରତିଷ୍ଠା କାର୍ଯ୍ୟକ୍ରମ ପ୍ରଧାନମନ୍ତ୍ରୀ ମୋଦି କରିବାକୁ ଯାଉଛନ୍ତି, ତେଣୁ ସେ ଦିନସାରା ଉପବାସ ରହିବେ।