ନିର୍ବାଚନ ପୂର୍ବରୁ ଗୁଣୁପୁର ପୋଲିସ ପକ୍ଷରୁ ଫ୍ଲାଗମାର୍ଚ୍ଚ
ଗୁଣୁପୁର(ବଡ଼ ଖବର ବ୍ୟୁରୋ): ସାଧାରଣ ନିର୍ବାଚନକୁ ଆଖି ଆଗରେ ରଖି ରାୟଗଡ଼ା ଜିଲା ଗୁଣୁପୁର ପୋଲିସ ପକ୍ଷରୁ ଫ୍ଳାଗମାର୍ଚ୍ଚ ଅନୁଷ୍ଠିତ । ଏସଡିପିଓ ଙ୍କ ତତ୍ତ୍ଵାବଧାନରେ ଏହି ଫ୍ଲାଗମାର୍ଚ୍ଚ ଅନୁଷ୍ଠିତ ହୋଇଯାଇଛି । ଏହି ଫ୍ଲାଗମାର୍ଚ୍ଚ ଗୁଣୁପୁର ଆଦର୍ଶ ପୋଲିସ ଥାନାରୁ ଆରମ୍ଭ ହୋଇଥିଲା ।
ଗୁଣୁପୁର ଟାଉନ ସମେତ ନୂଆ ବସଷ୍ଟାଣ୍ଡ , ମେଡିକାଲ ରୋଡ, ପୁରୁଣା ବସଷ୍ଟାଣ୍ଡ , ପୁରୁଣା ଗୁଣୁପୁର, ବାଇପାସ ରୋଡ ପ୍ରଭୃତିରେ ପୋଲିସ ଫୋର୍ସ ଫ୍ଲାଗମାର୍ଚ୍ଚ କରିଛନ୍ତି। ଆସନ୍ତା ନିର୍ବାଚନକୁ ଶାନ୍ତି ଶୃଙ୍ଖଳା ଓ ଅପରାଧ ମୁକ୍ତ କରିବା ପାଇଁ ପୋଲିସ ପକ୍ଷରୁ ଏହି ଫ୍ଲାଗ ମାର୍ଚ୍ଚ କରାଯାଇଛି। ଏହି କାର୍ୟ୍ୟକ୍ରମରେ ଗୁଣୁପୁର ଥାନାର ଆଇଆଇସିଙ୍କ ସମେତ ସମସ୍ତ କର୍ମଚାରୀ, ସ୍ଥାନୀୟ ପୋଲିସର ଏକ ପ୍ଲାଟୁନ୍ ଏବଂ ସିଆରପିଏଫର ଏକ ପ୍ଲାଟୁନ୍ ଯବାନ ମାନେ ଯୋଗ ଦେଇଥିଲେ ।
