ଦାରିଦ୍ର୍ୟ ସଜାଇଲା ମଣିଷକୁ ବଳଦ

ବରଗଡ (ବଡ଼ ଖବର ବ୍ୟୁରୋ): ଚାଷ କାମ ଯାହାର କେଡେ ସୁଖ ତାହାର,ସାଂପ୍ରତି ଏହି ଉକ୍ତିର କୌଣସି ଅର୍ଥ ନାହିଁ । କେତେବେଳେ ରୋଗପୋକ ତ ଆଉ କେତେବେଳେ ପୁଣି ଦୈର୍ବିପାକ ଦାଉ ସାଜୁଛି ଚାଷୀ ଉପରେ । ଏହା ବାଦ୍ ବଢି ଚାଲିଚି ଚାଷ ଜନୀତ ଖର୍ଚ୍ଚ । ଗୋଟିଏ ପଟେ କରୋନାର ମାଡ଼, ଅନ୍ୟପଟେ ଅମଳ ଧାନର ଅଭାବୀ ବିକ୍ରୀ । ଅଂଟା ଭାଙ୍ଗି ଦେଇଛି ଚାଷୀ ପରିବାରର । ତେଣୁ ଖରିଫ ଧାନ ଚାଷ ପରେ ପନିପରିବା ଚାଷ କରି ଅଭାବ ଭରଣା କରିବାକୁ ଚାହେିଁବା ବେଳେ ଅର୍ଥାଭାବ ଯୋଗୁଁ କାମ କରିବାକୁ ଲୋକ ବି ମିଳିଲେନି । ଚାଷ ତ କରିବାକୁ ପଡ଼ିବ, ତେଣୁ ଜମି ହଳ କରିବାକୁ ବାପା ଚଳାଇଲେ ଲଙ୍ଗଳ ଆଉ ପୁଅ ସାଜିଲେ ବଳଦ । ଏଭଳି ଘଟଣା ବରଗଡରେ ଦେଖିବାକୁ ମିଳିଛି,ଯାହା ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି ।