ରାସ୍ତାରେ ପିପିଇ କିଟ

ଅନୁଗୁଳ (ବଡ଼ ଖବର ବ୍ୟୁରୋ): ଭୟଙ୍କର ହେଉଛି କରୋନା ସ୍ଥିତି । ଦିନକୁ ଦିନ ବଢିବାରେ ଲାଗିଛି ସଂକ୍ରମିତଙ୍କ ସଂଖ୍ୟା । କିନ୍ତୁ ଏବେ ବି ଲୋକେ ହେଉନାହାନ୍ତି ସଚେତନ । ଏଭଳି ଦୃଶ୍ୟ ଦେଖିବାକୁ ମିଳିଛି ଅନୁଗୁଳ ମୁଖ୍ୟ ଚିକିତ୍ସାଳୟରେ । ରାସ୍ତାରେ ପଡିଛି ବ୍ୟବହୃତ ପିପିଇ କିଟ । ଅନୁଗୁଳ ମୁଖ୍ୟ ଚିକିତ୍ସାଳୟରେ ଥିବା ରକ୍ତ ଭଣ୍ଡାର ନିକଟରେ ପଡିଛି ଏହି କିଟ । ଶୁକ୍ରବାର କରୋନାରେ ମୃତ୍ୟୁବରଣ କରିଥିବା ରୋଗୀଙ୍କ ପାଇଁ ବ୍ୟବହାର ହୋଇଥିବା

ପିପିଇ କିଟ ରାସ୍ତାରେ ପଡିଥିବା ଦେଖିବାକୁ ମିଳିଛି । ଉକ୍ତ ରାସ୍ତା ଦେଇ ପ୍ରତ୍ୟେକ ଦିନ ଶହଶହ ଲୋକ ନିକଟରେ ଥିବା କରୋନା ଟିକା କେନ୍ଦ୍ରକୁ ଯିବା ଆସିବା କରନ୍ତି । କିନ୍ତୁ ସେଠାରେ ଡାକ୍ତର ଖାନାରେ ଥିବା କର୍ମଚାରୀଙ୍କ ନଜର ପଡୁନାହିଁ । ଏଭଳି ଅବହେଳିତ କାମକୁ ନେଇ ଜନସାଧାରଣରେ ଅସନ୍ତୋଷ ଦେଖାଦେଇଛି ।