ଅକ୍ଟୋବର ୮ରେ ଆତ୍ମସମର୍ପଣ କରିବେ ଚିଲିକା ବିଧାୟକ
କଟକ(ବଡ଼ ଖବର ବ୍ୟୁରୋ): ୮ ଅକ୍ଟୋବରରେ ଆତ୍ମସମର୍ପଣ କରିବେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ । ଆଗୁଆ ଜାମିନ ପାଇଁ ହାଇକୋର୍ଟ ଯାଇଥିଲେ ବିଧାୟକ । କିନ୍ତୁ କୋର୍ଟ କହିଲେ ଏଠୁ ଆଗୁଆ ବେଲ୍ ମିଳିବ ନାହିଁ ବରଂ ୮ ଅକ୍ଟୋବରରେ ବିଧାୟକ ଆତ୍ମସମର୍ପଣ କରିବେ । ତେବେ ଜାମିନ ପାଇଁ ବିଧାୟକ ନିମ୍ନ ଅଦାଲତରେ ଆବେଦନ କରିପାରିବେ । ଏବଂ ସେହିଦିନ ଏହି ପ୍ରସଙ୍ଗରେ ନିମ୍ନ ଅଦାଲତ ତାଙ୍କ ରାୟ ଶୁଣାଇବେ । ତେବେ କୋର୍ଟରେ ବିଧାୟକ ୮ ଅକ୍ଟୋବରରେ ଫାଷ୍ଟ ଆୱାରରେ ଆତ୍ମସମର୍ପଣ କରିବେ । ଏହାସହିତ ପୋଲିସ ଓ ଅଭିଯୋଗକାରୀ ଶୁଣାଣି ସମୟରେ ଉପସ୍ଥିତ ରହି ସମ୍ପୂର୍ଣ୍ଣ ତଥ୍ୟ ଦାଖଲ ପାଇଁ ନିର୍ଦ୍ଦେଶ ଦିଆଯାଇଛି ।
ବାଲୁଗାଁର ବିଜେପି ନଗର ମଣ୍ଡଳ ସଭାପତିଙ୍କୁ ବିଚ ରାସ୍ତାରେ ମାଡ଼ ମାରି ବିବାଦକୁ ଆସିଥିଲେ ପ୍ରଶାନ୍ତ । ଏନେଇ ବାଲୁଗାଁ ଥାନାରେ ମାମଲା ମଧ୍ୟ ରୁଜୁ ହୋଇଥିଲା । ଏହା ପରଠାରୁ ଫେରାର ଅଚନ୍ତି ପ୍ରଶାନ୍ତ । ପ୍ରଶାନ୍ତଙ୍କ ନାଁରେ ବାରମ୍ବାର ଗୁଣ୍ଡାଗିରିର ଅଭିଯୋଗ ପରେ କାର୍ୟ୍ୟନୁଷ୍ଠାନ ନେଇଥିଲା ବିଜେଡ଼ି । ତାଙ୍କୁ ଦଳରୁ ନିଲମ୍ବିତ କରାଯାଇଥିଲା । ତେବେ ଫେରାର ଥିବା ପ୍ରଶାନ୍ତ ଆଗୁଆ ଜାମିନ ପାଇଁ ହାଇକୋର୍ଟରେ ଅବେଦନ କରିଥିଲେ । ଯାହାକୁ କୋର୍ଟ ଖାରଜ କରିଦେବା ସହ ନିମ୍ନକୋର୍ଟରେ ହାଜ ହୋଇ ଜାମିନ ଅବେଦନ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।