ରାଷ୍ଟ୍ରପତି ପ୍ରାର୍ଥୀଙ୍କୁ ଗୁଳିମାଡ଼
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କୋଲମ୍ବିଆରେ ରାଷ୍ଟ୍ରପତି ପ୍ରାର୍ଥୀଙ୍କୁ ଗୁଳିମାଡ଼ । ରାଷ୍ଟ୍ରପତି ପ୍ରାର୍ଥୀ ମିଗୁଏଲ୍ ଉରିବେଙ୍କୁ ଗୁଳିମାଡ଼ । ସଙ୍କଟାପନ୍ନ ଅବସ୍ଥାରେ ସ୍ଥାନୀୟ ହସ୍ପିଟାଲ୍ରେ ଭର୍ତ୍ତି । ଏକ ପ୍ରଚାର କାର୍ଯ୍ୟକ୍ରମରେ ଗୁଳିମାଡ଼ କଲା ଦୁର୍ବୃତ୍ତ । ଗୁଳିମାଡ଼ କରିଥିବା ଦୁର୍ବୃତ୍ତକୁ ଗିରଫ କଲା ପୋଲିସ । ତେବେ ଏହି ଆକ୍ରମଣରେ ମିଗୁଏଲ୍ ଉରିବେ ଗୁରୁତର ହୋଇଛନ୍ତି। ତାଙ୍କ ମୁଣ୍ଡରେ ଗୁଳି ବାଜିଛି। ତାଙ୍କ ଅବସ୍ଥା ସଙ୍କଟାପନ୍ନ ଥିବା ଯୋଗୁ ଆଇସିୟୁରେ ରଖାଯାଇଛି ।
ସୋସିଆଲ ମିଡିଆରେ ଏହି ଘଟଣାର ଏକ ଭିଡିଓ ଭାଇରାଲ ହେଉଛି। ଭିଡିଓରେ ଉରିବେ ଏକତ୍ରିତ ହୋଇଥିବା ଲୋକଙ୍କ ସମ୍ମୁଖରେ ଭାଷଣ ଦେଉଥିବା ସମୟରେ ହଠାତ ଗୁଳି ଫୁଟିବା ଶବ୍ଦ ଶୁଣାଯାଉଛି। ଏହା ପରେ, ସେ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଦେଖାଯାଉଛନ୍ତି। ସେଠାରେ ଉପସ୍ଥିତ ସୁରକ୍ଷା କର୍ମୀମାନେ ତାଙ୍କୁ ତୁରନ୍ତ ହସ୍ପିଟାଲକୁ ନେଉଛନ୍ତି। କୁହାଯାଉଛି ଯେ ତାଙ୍କ ମୁଣ୍ଡରେ ଦୁଇଟି ଗୁଳି ବାଜିଛି। ଗୁଳି ଚଳାଇଥିବା ସନ୍ଦିଗ୍ଧ ବ୍ୟକ୍ତିଙ୍କୁ ପୋଲିସ ଗିରଫ କରିଛି।
ସେପଟେ ରାଷ୍ଟ୍ରପତି ଗୁସ୍ତାଭୋ ପେଟ୍ରୋଙ୍କ ସରକାର କହିଛନ୍ତି ଯେ ଏହା ରାଜଧାନୀର ପଶ୍ଚିମରେ ଏକ ପ୍ରଚାର କାର୍ଯ୍ୟକ୍ରମ ସମୟରେ ଉରିବେଙ୍କ ଉପରେ ହୋଇଥିବା ଆକ୍ରମଣକୁ “ସ୍ପଷ୍ଟ ଏବଂ ଦୃଢ଼” ନିନ୍ଦା କରୁଛି। ସେହିଭଳି ରାଷ୍ଟ୍ରପତିଙ୍କ କାର୍ଯ୍ୟାଳୟ ଏକ ବିବୃତ୍ତିରେ କହିଛି ଯେ ଏହି ହିଂସାକାଣ୍ଡ କେବଳ ତାଙ୍କ ବ୍ୟକ୍ତିତ୍ୱ ବିରୁଦ୍ଧରେ ନୁହେଁ, ବରଂ ଗଣତନ୍ତ୍ର, ଚିନ୍ତାଧାରାର ସ୍ବାଧୀନତା ଏବଂ କଲମ୍ବିଆରେ ରାଜନୀତିର ବିରୁଦ୍ଧରେ ମଧ୍ୟ ଏକ ଆକ୍ରମଣ।