ପୁଣି ଭାଇରାଲ ହେଲା ଶ୍ରୀମନ୍ଦିର ପରିସର ଭିଡିଓ

ପୁରୀ(ବଡ଼ ଖବର ବ୍ୟୁରୋ):ପୁଣି ଦେଖାଦେଇଛି ଶ୍ରୀମନ୍ଦିର ସୁରକ୍ଷାରେ ତ୍ରୁଟି । ଭାଇରାଲ ହେଲା ପୁରୀ ଶ୍ରୀମନ୍ଦିର ଭିତରର ଦୃଶ୍ୟ । ସୁରକ୍ଷାବଳୟକୁ ଭେଦ କରି ରିଲ୍ସ ବନାଇ ସୋସିଆଲ ମିଡିଆରେ ଜଣେ ଯୁବକ ଅପଲୋଡ଼ କରିଛନ୍ତି । ରୋହିତ ଜୈଶ୍ବାଲ ୧୯୭୩ ନାମରେ ଥିବା ଇନଷ୍ଟାଗ୍ରାମରେ ପୋଷ୍ଟ ହୋଇଛି ଏହି ଭିଡିଓ ।

ତେବେ ପ୍ରଶ୍ନ ଉଠୁଛି କଡ଼ା ସୁରକ୍ଷା ଭିତରେ କିପରି ଜଣେ ଯୁବକ ଶ୍ରୀମନ୍ଦର ଭିତରକୁ ଫୋନ ନେଲେ ଓ ଭିଡିଓ କଲେ । ରଥଯାତ୍ରା ପରେ ଶ୍ରୀମନ୍ଦିର ଭିତରେ ଏହି ଭିଡିଓ କରାଯାଇଥିବା ଜଣାପଡିଛି । ରୋହିତ ନିଜେ ଭିଡିଓ କରି ଅପଲୋଡ କରିଥିବା ଜଣାପଡ଼ିଛି । ମୋବାଇଲ ନେଇ ଶ୍ରୀମନ୍ଦିର ଭିତରେ ଏପରି ଭିଡ଼ିଓ ଉଠାଇବା ଘଟଣା ଏବେ ଶ୍ରୀମନ୍ଦିର ସୁରକ୍ଷାକୁ ନେଇ ପ୍ରଶ୍ନ ଉଠାଇଛି । ତେବେ ପୂର୍ବରୁ ଅନେକ ଥର ଶ୍ରୀମନ୍ଦିର ଭିତରର ଭିଡିଓ ଓ ଫଟୋ ଭାଇରାଲ୍ ହୋଇଛି ।