ବିଜେପି କର୍ମୀଙ୍କ ଉପରେ ଭୁଜାଲି ଆକ୍ରମଣ
ବାଲେଶ୍ୱର (ବଡ଼ ଖବର ବ୍ୟୁରୋ): ବିଜେପି କର୍ମୀଙ୍କ ଉପରେ ଭୁଜାଲି ଆକ୍ରମଣ । ସାଧାରଣ ନିର୍ବାଚନ ପୂର୍ବରୁ ବାଲେଶ୍ୱରରେ ଦେଖାଦେଲା ରାଜନୈତିକ ହିଂସାକାଣ୍ଡ । ବିଜେପି କର୍ମୀଙ୍କ ଉପରେ ବିଜେଡ଼ି କର୍ମୀଙ୍କ ଆକ୍ରମଣ । ୧୦ରୁ ଅଧିକ ବିଜେଡ଼ି କର୍ମୀ ଭୂଜାଲିରେ କଲେ ଆକ୍ରମଣ । ଭୁଜାଲି ଚୋଟରେ ବିଜେପିର ତିନି କର୍ମୀ ଗୁରୁତର ହୋଇ କଟକ ସ୍ଥାନାନ୍ତର ହୋଇଥିବା ଜଣାପଡିଛି । ଗତକାଲି ମଧ୍ୟରାତ୍ରିରେ ବାଲେଶ୍ୱର ଜିଲ୍ଲା ସୋର ସ୍ଥିତ ଗୁର୍ଡ୍ ଗ୍ରାମରେ ଦେଖାଦେଇଥିଲା ଗୋଷ୍ଠୀକନ୍ଦଳ । ଗୋଷ୍ଠୀ କନ୍ଦଳ ଏମିତି ରୂପ ନେଲା ଯେ ଦୁଇ ଗୋଷ୍ଠୀ ମଧ୍ୟରେ ଆରମ୍ଭ ହେଲା ଭୁଜାଲି ଆକ୍ରମଣ । ଗୁରୁତର ମାନଙ୍କୁ ପ୍ରଥମେ ବାସୁଦେବପୁର ପରେ ଭଦ୍ରକ ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଅତି ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଛି । ସେପଟେ ପୋଲିସ ଘଟଣା ଉପରେ ତଦନ୍ତ ଜାରି ରଖିଛି ।