ମ୍ୟାଚ ଦେଖିଲେ ୧୧ ହଜାରରୁ ଅଧିକ ଦର୍ଶକ
ଭୁବନେଶ୍ୱର (ବଡ଼ ଖବର ବ୍ୟୁରୋ): କଳିଙ୍ଗ ଷ୍ଟାଡିୟମରେ କାତାରର ଚମକ ଦେଖିବାକୁ ମିଳିଛି । ଫିଫା ବିଶ୍ୱକପ-୨୦୨୬ ଓ ଏଏଫସି ଏସିଆନ କପ୍୨୦୨୭ ଦ୍ୱିତୀୟ ରାଉଣ୍ଡ ଯୋଗ୍ୟତା ପର୍ଯ୍ୟାୟ ଦ୍ୱିତୀୟମ୍ୟାଚରେ ଭାରତ ପରାଜିତ ହୋଇଛି । ମଙ୍ଗଳବାର ଗ୍ରୁପର ଖେଲାଯାଇଥିବା ମ୍ୟାଚରେ କାତାର ୩-୦ ଗୋଲରେ ଭାରତକୁ ପରାସ୍ତ କରିଛି । କାତାର ଦୁଇଟି ମ୍ୟାଚରୁ ଦୁଇଟି ବିଜୟ ସହ ଗ୍ରୁପ ଶୀର୍ଷରେ ରହିଥିବା ବେଳେ । ଭାରତ ସମାନ ସଂଖ୍ୟକ ମ୍ୟାଚ ଖେଳି ଗୋଟିଏ ବିଜୟ ଓ ଗୋଟିଏ ପରାଜୟ ସହ ଦ୍ୱିତୀୟ ସ୍ଥାନରେ ରହିଛି । ପ୍ରଥମ ମ୍ୟାଚରେ ୧-୦ ଗୋଲରେ କୁଏତକୁ ପରାସ୍ତ କରିଥିବା ଭାରତ ଦ୍ୱିତୀୟ ମ୍ୟାଚ ଘରୋଇ ଗ୍ରାଉଣ୍ଡରେ ଖେଳିଥିଲା ।
କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ ଦେଖିବା ପାଇଁ ୧୧ ହଜାରରୁ ଉଦ୍ଧ୍ୱର୍ ଦର୍ଶକ ଏକାଠି ହୋଇଥିଲେ । ଦର୍ଶକମାନଙ୍କ ମଧ୍ୟରେ ଏହି ମ୍ୟାଚକୁ ନେଇ ନାହିଁ ନଥିବା ଉତ୍ସାହ ଦେଖିବାକୁ ମିଳିଥିଲା । ଦର୍ଶକଙ୍କ ଗହଣରେ କଳିଙ୍ଗ ଷ୍ଟାଡିୟମ ପରିପୂର୍ଣ୍ଣ ହୋଇଯାଇଥିଲା ୧୧ହଜାର ୩୦୦ ଦର୍ଶକ ମ୍ୟାଚକୁ ଉପଭୋଗ କରିଥିଲେ । ମ୍ୟାଚରେ ଭାରତ ପରାଜିତ ହୋଇଥିଲେ ମଧ୍ୟ ଦର୍ଶକ ଏକ ଅନ୍ତର୍ଜାତୀୟ ମ୍ୟାଚର ମଜା ନେଇଥିଲେ ।