ରାହୁଲ ଗାନ୍ଧୀଙ୍କ ମନ୍ତବ୍ୟରେ ବିଜେପିର ଟାର୍ଗେଟ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କଂଗ୍ରେସ ନେତା ରାହୁଲ ଗାନ୍ଧୀ ଏବେ ଆମେରିକା ଯାତ୍ରାରେ ଅଛନ୍ତି । ସେ ଆମେରିକାରେ ମଙ୍ଗଳବାର ପହଞ୍ଚିଥିଲେ । ତାଙ୍କର ଯାତ୍ରା ଆରମ୍ଭ ହେବାପରେ ଭାରତର ରାଜନୀତିରେ ହଲଚଲ ଆରମ୍ଭ ହୋଇଗଲା । ଆରୋପ ପ୍ରତ୍ୟାରୋପର ଖେଳ ଆରମ୍ଭ ହୋଇଗଲା । ଏହି କ୍ରମରେ ,ୱାସିଙ୍ଗଟନ୍ରେ ରାହୁଲ ଗାନ୍ଧୀ ମୁସଲିମ ଲିଗ୍କୁ ଧର୍ମନିରପେକ୍ଷ ବିବେଚନା କରିଛନ୍ତି । ଆମେରିକାର ପ୍ରେସ କ୍ଲବ ରେ ଯେବେ ରାହୁଲ ଗାନ୍ଧୀଙ୍କୁ ପଚରା ଗଲା , କଣ ଆପଣଙ୍କ କେରଳରେ ଇଣ୍ଡିୟନ ୟୁନିୟନ ମିସଲିମ ଲିଗ ସହ ଗଠବନ୍ଧନ ଅଛି? ତେବେ ଏହାର ଜବାବରେ ରାହୁଲ ଗାନ୍ଧୀ କହିଥିଲେ ମୁସଲିମ ଲିଗ୍ ସମ୍ପୁର୍ଣ୍ଣ ଭାବେ ଧର୍ମନିରପେକ୍ଷ ପାର୍ଟି ଅଟେ । ଇଣ୍ଡିୟନ ୟୁନିଅନ ମୁସଲିମ ଲିଗ କେରଳର ଏକ ପାର୍ଟି ଅଟେ । ଆମେରିକାରେ ରାହୁଲ ଗାନ୍ଧୀଙ୍କ ଏହି ବୟାନ ହେତୁ ଭାରତରେ ହଲଚଲ ଲାଗିରହିଛି । ବିଜେପି ଓ କଂଗ୍ରେସ ଦୁହେଁ ଦୁହିଁଙ୍କୁ ଟାର୍ଗେଟ କରୁଛନ୍ତି । ମୁସଲିମ ଲିଗକୁ ଧର୍ମନିରପେକ୍ଷ ପାର୍ଟି କହିବା ପରେ ବିଜେପି ରାହୁଲ ଗାନ୍ଧୀଙ୍କୁ ନିନ୍ଧା କରିଛି ।