ହାଇକୋର୍ଟ ଗଲେ ରାହୁଲ

ସୁରାଟ (ବଡ଼ ଖବର ବ୍ୟୁରୋ):  ମାନହାନି କେସରେ ଦୋଷୀ ସାବ୍ୟସ୍ତ ହୋଇଥିବା କଂଗ୍ରେସ ନେତା ରାହୁଲ ଗାନ୍ଧି ଗୁଜରାଟ ହାଇକୋର୍ଟରେ ଆବେଦନ କରିଛନ୍ତି। ସୁରଟ୍ ସେସନ୍ସ କୋର୍ଟ ରହିତାଦେଶ ଆବେଦନ ଖାରଜ କରିବା ପରେ ଗୁଜୁରାଟ ହାଇକୋର୍ଟ ଯାଇଛନ୍ତି ରାହୁଲ ଗାନ୍ଧି । ସୁରଟ ସେସନ୍ସ କୋର୍ଟଙ୍କ ରାୟକୁ ଚ୍ୟାଲେଞ୍ଜ କରି ରାହୁଲ ଉଚ୍ଚ ନ୍ୟାୟାଳୟର ଦ୍ୱାରସ୍ଥ ହୋଇଥିବା ସୂଚନା ଦେଇଛନ୍ତି ରାହୁଲ ଗାନ୍ଧିଙ୍କ ଓକିଲ ପଙ୍କଜ ଚାମ୍ବାନେରିଆ ।

ମୋଦି ସରନେମକୁ ନେଇ ସେ ବିବାଦୀୟ ବୟାନ ଦେଇଥିବାରୁ ତାଙ୍କୁ ପ୍ରଥମେ ସୁରତର ଜୁଡିସିଆଲ ମାଜିଷ୍ଟ୍ରେଟ କୋର୍ଟ ଦୋଷୀ ସାବ୍ୟସ୍ତ କରିଥିଲେ। ଏହାପରେ ସେ ସେସନ୍ସ କୋର୍ଟରେ ଏହା ବିରୋଧରେ ଆବେଦନ କରି ନିରାଶ ହୋଇଥିଲେ। ଏବେ ସେ ଆଶ୍ୱସ୍ତି ପାଇଁ ହାଇକୋର୍ଟରେ ଆବେଦନ କରିଛନ୍ତି।