ଅରବିନ୍ଦ କେଜ୍ରିୱାଲଙ୍କ ବ୍ୟକ୍ତିଗତ ସଚିବଙ୍କ ଘରେ ରେଡ୍

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଅରବିନ୍ଦ କେଜ୍ରିୱାଲଙ୍କ ବ୍ୟକ୍ତିଗତ ସଚିବଙ୍କ ଘରେ ରେଡ୍ । ବୈଭବ କୁମାରଙ୍କ ଘରେ ଇଡିର ଚଢାଉ । ମନିଲଣ୍ଡରିଂ ମାମଲାରେ ରେଡ୍ କରୁଛି ଇଡି । ଜଳ ବୋର୍ଡର ପୂର୍ବତନ ସଦସ୍ୟ ସଲାଭ କୁମାରଙ୍କ ଘରେ ବି ରେଡ୍ । ସାଂସଦ ଏନଡି ଗୁପ୍ତାଙ୍କ ଘରେ ବି ଚଢାଉ ହୋଇଛି । ଆଜି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ୧୨ଟି ସ୍ଥାନରେ ଚଢାଉ କରିଥିବା ନେଇ ବିଶେଷ ସୂତ୍ରରୁ ପ୍ରକାଶ ପାଇଛି।

ଦିଲ୍ଲୀ, ଚଣ୍ଡିଗଡ଼ ଏବଂ ବାରଣାସୀର ୧୨ରୁ ଅଧିକ ସ୍ଥାନରେ ଚଢାଉ ଜାରି ରଖିଥିଲେ। ସୂଚନା ଅନୁସାରେ, ଜଳ ବୋର୍ଡରେ ହୋଇଥିବା ଘୋଟାଲା ଉପରେ ତଦନ୍ତ କରୁଛି ଇଡି। ସିବିଆଇ ଦ୍ୱାରା ପଞ୍ଜୀକୃତ ହୋଇଥିବା ଦୁଇଟି ମାମଲାରେ ଅର୍ଥ ହେରଫେରର ଯାଞ୍ଚ କରୁଛି ପ୍ରବର୍ତ୍ତନ ନିର୍ଦ୍ଦେଶାଳୟ। ଏହି ମାମଲାରେ ଜଳ ବୋର୍ଡର ଦୁଇଜଣ ପୂର୍ବତନ ମୁଖ୍ୟ ଇଞ୍ଜିନିୟରଙ୍କୁ ଗିରଫ କରାଯାଇଥିଲା।