OTET ପ୍ରଶ୍ନପତ୍ର ଲିକ୍ ମାମଲାରେ ରାୟଗଡ଼ାର ଶିକ୍ଷକ ଗିରଫ

ଭୁବନେଶ୍ୱର (ବଡ଼ ଖବର ବ୍ୟୁରୋ): OTET ପ୍ରଶ୍ନପତ୍ର ଲିକ୍ ମାମଲାରେ କ୍ରାଇମ୍ ବ୍ରଞ୍ଚ ରାୟଗଡ଼ାର ଏକ ଶିକ୍ଷକଙ୍କୁ ଗରିଫ କରିଛନ୍ତି । ଯିଏକି ପ୍ରଶ୍ନପତ୍ର ଲିକ୍ ମାମଲାରେ ସମ୍ପୃକ୍ତ ଅଛନ୍ତି । ଏହି ମାମଲାରେ ତଦନ୍ତ କରୁଥିବା କ୍ରାଇମ୍ ବ୍ରଞ୍ଚ ଦଳ OTET ପ୍ରଶ୍ନପତ୍ର ଲିକ୍ ମାମଲାରେ ସମ୍ପୃକ୍ତ ଥିବା ଆମ୍ବୋଦଳାରୁ ଶିକ୍ଷକ ବିଜୟ ମିଶ୍ରଙ୍କୁ ଗିରଫ କରିଛି । ସେ ଗଣ ଶିକ୍ଷକ ମହାସଂଘର ରାଜ୍ୟ କାର୍ଯ୍ୟକାରିଣୀ ସଦସ୍ୟ ଥିଲେ । ଜୁଲାଇ ୨୦ରେ ଅନୁଷ୍ଠିତ ହେବାକୁ ଥିବା OTET ପରୀକ୍ଷାକୁ ବିଳମ୍ବିତ ରାତିରେ ବାତିଲ କରାଯାଇଥିଲା । ସୋସିଆଲ ମିଡ଼ିଆରେ OTET ପ୍ରଶ୍ନପତ୍ର ଲିକ୍ ହେବା ପରେ ଶେଷ ମୁହୂର୍ତ୍ତରେ ପରୀକ୍ଷାକୁ ବାତିଲ କରାଯାଇଥିଲା । ଏହି ମାମଲାରେ କ୍ରାଇମ୍ ବ୍ରାଞ୍ଚ ବିଭିନ୍ନ ଜିଲ୍ଲାରେ ସନ୍ଦିଗ୍ଧଙ୍କୁ ପଚରାଉଚରା କରୁଛି । ଏଥିସହ କତ୍ତୃପକ୍ଷ ସମ୍ପୃକ୍ତ ଥିବା ବ୍ୟକ୍ତିଙ୍କ ବିରୁନ୍ଧରେ ଉଚ୍ଚିତ୍ କାର୍ଯ୍ୟାନୁଷ୍ଠାନ ନିଆଯିବା ସହ କିପରି ଆଗକୁ ଏଭଳି ନହେବ ସେ ଲାଗି ପ୍ରତିଶ୍ରୁତି ଦେଇଛନ୍ତି । ପରୀକ୍ଷା ବାତିଲ୍ ପରେ ଜୁଲାଇ ୨୬ରେ ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡ଼ ଛଅ ଜଣ ଅଧିକାରୀଙ୍କୁ ବଦଳ କରାଯାଇଥିଲା । OTET ପରୀକ୍ଷା ପାଇଁ ତାରିଖ ଏ ପର୍ଯ୍ୟନ୍ତ ଘୋଷଣା କରାଯାଇନାହିଁ ।