ଜଗତସିଂହପୁର, (ବଡ଼ ଖବର ବ୍ୟୁରୋ): ରାସ୍ତା ପାଲଟିଛି ମରଣଯନ୍ତା । ଜଗତସିଂହପୁର ମାଛଗାଁ ମୁଖ୍ୟ କେନାଲ ବନ୍ଧ ଉପରେ ଯାଇଥିବା ଗଣେଶ ମନ୍ଦିରଠାରୁ ବାରଙ୍ଗ ପୋଲ ପର୍ୟ୍ୟନ୍ତ ରାସ୍ତା ମରଣଯନ୍ତା ପାଲଟିଛି । ଅସରାଏ ବର୍ଷା ହେଲେ କାଦୁ୍ଅ ପଚପଚ । ଏହି ରାସ୍ତା ଦେଇ ପ୍ରତିଦିନ ସ୍କୁଲ କଲେଜ ଠାରୁ ଆରମ୍ଭ କରି ଦୈନିକ ବଜାର ଉପରେ ନିର୍ଭର କରନ୍ତି ଅଞ୍ଚଳବାସୀ । ପ୍ରତିଦିନ ଏହି ରାସ୍ତା ଦେଇ ହଜାର ହଜାର ଲୋକେ ଯିବା ଆସିବା କରନ୍ତି । ଖାଲଖମାରେ ଭର୍ତ୍ତି ଏହି ରାସ୍ତାରେ ପ୍ରତିଦିନ ଛୋଟବଡ଼ ଦୁର୍ଘଟଣା ମଧ୍ୟ ଘଟୁଛି । ଏ ରାସ୍ତା ଦେଇ ଗାଡ଼ି ତ ଯିବା ଦୂରର କଥା ଚାଲି ଚାଲି ଯିବା କାଠିକରପାଠ । ଏହି ରାସ୍ତା ଦେଇ ପୋଲିସ ବ୍ୟାରେକ ଠାରୁ ଆରମ୍ଭ କରି ଜିଲ୍ଲା ଜଳ ଓ ପରିମଳ ବିଭାଗ, ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ଅନୁଷ୍ଠାନ ଥିଲେ ସୁଦ୍ଧା ଦୀପତଳ ଅନ୍ଧାର ସଦୃଶ୍ୟ ଏହି ରାସ୍ତା ପ୍ରତି ଯେମିତି କାହାର ନିଘା ନାହିଁ । ତୁରନ୍ତ ଏହି ରାସ୍ତାର ଉନ୍ନତୀକରଣ ପାଇଁ ଦାବି କରିଛନ୍ତି ଅଞ୍ଚଳବାସୀ ।
