ୟୁକ୍ରେନ ଉପରେ ରୁଷର ବୋମା ମାଡ଼, ୨୫ ମୃତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ଏବେ ବି ଚାଲିଛି ରୁଷିଆ–ୟୁକ୍ରେନ ଯୁଦ୍ଧ । ରୁଷ ଯୁକ୍ରେନର ବଡ଼ ବଡ଼ ସହର ଉପରେ ଘନ ଘନ ଆକ୍ରମଣ କରିବାରେ ଲାଗିଛି । ତେବେ ଗତକାଲି ରୁଷ ୟୁକ୍ରେନ କିଛି ସହରରେ ଆକ୍ରମଣ କରିଛି । ଯେଉଁଥିରେ ୨୫ ଜଣଙ୍କ ମୃତ୍ୟୁ ହୋଇଛି । ୟୁକ୍ରେନର ଡିନିପ୍ରୋ, କ୍ରେମେନଚୁକ ଏବଂ ପୋଲଟଭା ଦକ୍ଷିଣ‌ରେ ମାଇକୋଲେଭ ଏବଂ ରାଜଧାନୀ କିବରେ ପ୍ରବଳ ବୋମା ବର୍ଷଣ କରିଛି ।

ଦକ୍ଷିଣ ପୂର୍ବ ସହର ଡିନିପ୍ରୋରେ ଏକ ଘରେ ମିସାଇଲ ମାଡ଼ ହେବା ଫଳରେ ଜଣେ ୨ ବର୍ଷୀୟା ଶିଶୁ ଏବଂ ୩୧ ବର୍ଷୀୟା ମହିଳାଙ୍କ ମୃତ୍ୟୁ ହୋଇଛି। ଆକ୍ରମଣରେ ଅନ୍ୟ ୩ ଜଣ ମଧ୍ୟ ଆହତ ହୋଇଛନ୍ତି। କେନ୍ଦ୍ରୀୟ ସହର ଉମାନରେ ୟୁକ୍ରେନର ଆକ୍ରମଣ ଯୋଗୁଁ ୭ ଜଣଙ୍କ ମୃତ୍ୟୁ ହୋଇଛି ଏବଂ ୧୭ ଜଣ ଆହତ ହୋଇଛନ୍ତି। ସେପଟେ ରୁଷର ୨୧ଟି କ୍ରୁଜ ମିସାଇଲକୁ ୟୁକ୍ରେନ ସେନା ଖସାଇ ଦେଇଛି ।