ଆଖିଧରା ସୌନ୍ଦର୍ଯ୍ୟ : ସାଇଧାରା ଜଳପ୍ରପାତ

ଝରିଗାଁ(ବଡ଼ ଖବର ବ୍ୟୁରୋ): ଓଡ଼ିଶା ପ୍ରାକୃତିକ ସୌନ୍ଦର୍ଯ୍ୟର ଗନ୍ତାଘର ଅଟେ । ଏହାର ପ୍ରତ୍ୟେକ ଜିଲ୍ଲାରେ ପ୍ରାକୃତିକ ସୋନ୍ଦର୍ଯ୍ୟତା ଭରି ରହିଛି । ଏଥିମଧ୍ୟରୁ ନବରଙ୍ଗପୁର ଜିଲ୍ଲା ଅନ୍ୟତମ । ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ସ୍ଥିତ ସାଇଧାରା ଜଳପ୍ରପାତ ପ୍ରାକୃତିକ ସୌନ୍ଦର୍ଯ୍ୟରେ ଭରପୂର । ପ୍ରକୃତିର ଦାନରେ ଏଠାରେ ଭରି ରହିଛି ପ୍ରାକୃତିକ ସୌନ୍ଦର୍ଯ୍ୟତା । ସୌନ୍ଦର୍ଯ୍ୟ ଭରା ବଣ ଜଙ୍ଗଲ ସହିତ ସୁଉଚ୍ଚ ଜଳ ପ୍ରପାତ । ଏହି  ସୌନ୍ଦର୍ଯ୍ୟ  କୁ ଉପଭୋଗ କରିବା ପାଇଁ ବାହାରୁ ଅନେକ ପର୍ଯ୍ୟଟକ ଆସିଥାନ୍ତି । ବ୍ୟସ୍ତ ବହୁଳ ଜୀବନ ଭିତରେ ନିଜର ମନୋରଞ୍ଚନ କରିବା ପାଇଁ ସମସ୍ତେ ଚାହିଁଥାନ୍ତି । ତେବେ ଏଠାକୁ ଯିବାକୁ ହେଲେ ଝରିଗାଁ ସଦରମହକମା ଠାରୁ ପ୍ରାୟ ୫ କିଲୋମିଟର ରାସ୍ତା ଦେଇ ଏଠାକୁ ଯିବାକୁ ପଡିଥାଏ ।ଏହି ଜଙ୍ଗଲ ମଧ୍ୟରେ ସୁଉଚ୍ଚ ପାହାଡ଼ ସହ ରହିଛି ଝରଣା । ଯାହାକୁ ଦେଖିଲେ ଓ ଶୁଣିଲେ ଲୋକମାନେ ହୋଇଯାନ୍ତି ମୁଗ୍ଧ । ଘଞ୍ଚ ଜଙ୍ଗଲ ମଧ୍ୟରେ ବଣଭୋଜିର ଆସର ପରିବେଶକୁ ଆହୁରି ଆକୃଷ୍ଟ କରିଥାଏ । ସାଇଧାରା ଜଳପ୍ରପାତରେ ବର୍ଷା ଋତୁ ସରିଲା ପରେ ଦୀର୍ଘ ୬ ରୁ ୭ ମାସ ପର୍ଯ୍ୟନ୍ତ ଏହାର ସୌନ୍ଦର୍ଯ୍ୟ ବାନ୍ଧି ରଖେ ପର୍ୟ୍ୟଟକ ମାନଙ୍କୁ ।

ତେବେ ପ୍ରକୃତିରେ ଭରପୁର ଏହି ସାଇଧାରା ଜଳ ପ୍ରପାତକୁ ଜିଲ୍ଲା ପ୍ରଶାସନ ତରଫରୁ ପକ୍କା ରାସ୍ତା, ବିଶ୍ରାମ ଗାର, ଆଲୋକ ବ୍ୟବସ୍ଥା ଏବଂ ଦର୍ଶକଙ୍କ ପାଇଁ ସୁରକ୍ଷିତ ବ୍ୟବସ୍ଥା କରିବାର ଆବଶ୍ୟକତା ରହିଛି । ଯାହା  ଦ୍ୱାରା ପର୍ଯ୍ୟଟକ ମାନଙ୍କର କୋଣସି ଅସୁବିଧା ରହିବ ନାହିଁ ।