ସମ୍ବଲପୁର (ବଡ଼ ଖବର ବ୍ୟୁରୋ): ଆସନ୍ତା ୨୬ ତାରିଖରେ କେନ୍ଦ୍ର ସରକାରଙ୍କ ଜନବିରୋଧୀ ନୀତି ବିରୋଧରେ କେନ୍ଦ୍ରୀୟ ଶ୍ରମିକ ସଂଗଠନ ପକ୍ଷରୁ ସର୍ବଭାରତୀୟ ଧର୍ମଘଟ ଡାକରା ଦିଆଯାଇଛି । ଏହି ଧର୍ମଘଟରେ ୧୦୦ରୁ ଉଦ୍ଧ୍ୱର୍ ଫେଡେରେସନ ଓ ଆସୋସିଏସନ ସାମିଲ ରହି କେନ୍ଦ୍ର ସରକାରଙ୍କ ଜନବିରୋଧୀ ନୀତି ବିରୋଧରେ ପ୍ରତିବାଦ କରିବେ। ତେବେ ସମ୍ବଲପୁରରେ ମଧ୍ୟ ଏହି ଦିନିକିଆ ଧର୍ମଘଟକୁ ସଫଳ କରିବା ପାଇଁ ସମ୍ବଲପୁର କେନ୍ଦ୍ରୀୟ ଶ୍ରମିକ ସଂଗଠନ ମିଳିତ ମାନେ ରାଜରାସ୍ତାରେ ଓଲ୍ଲାଇ କେନ୍ଦ୍ର ସରକାରଙ୍କ ବିରୋଧରେ ସ୍ୱର ଉତ୍ତୋଳନ କରିବେ। ଏଥିସହ ବେରୋଜଗାରି, ଆକାଶ ଛୁଆଁ ଦରଦାମ ବୄଦ୍ଦିକୁ ବିରୋଧ କରି ବିକ୍ଷୋଭ ପ୍ରଦର୍ଶନ କରିବେ। ସମ୍ବଲପୁର ଜିଲ୍ଲାରେ INTUC, HMS, AITUC, CITU, SWECCକୁ ନେଇ ଗଠିତ ଶ୍ରମିକ ସଂଗଠନ ର ମିଳିତ ମଞ୍ଚ ଏହି ଦିନ ଧର୍ମଘଟ ରେ ସାମିଲ ହେବା ସହ ଧର୍ମଘଟକୁ ସଫଳ କରିବାରେ ସହଯୋଗ କରିବା ପାଇଁ ଲୋକଙ୍କୁ ନିବେଦନ କରିଛନ୍ତି ।
