ପାଟଣା ନିର୍ବାଚନମଣ୍ଡଳିରେ ଦୁର୍ବଳ ହେଉଛି କଂଗ୍ରେସ
ସାହାରାପଡ଼ା (ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ପାଟଣା ବ୍ଲକର କଂଗ୍ରେସ ସଭାପତି ଶତ୍ରୁଘ୍ନ ସିଂହ ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି । ଶତ୍ରୁଘ୍ନ ସିଂହ ଜଣେ ଟାଣୁଆ ନେତା ଓ ଭଲ ସଂଗଠକ ମଧ୍ୟ । ତାଙ୍କର ଅନେକ ଲୋକ ସମ୍ପର୍କ ରହିଛି । ଯେଉଁଥି ପାଇଁ କଂଗ୍ରେସ ଶକ୍ତ ଧକ୍କା ଲାଗିପାରେ ବୋଲି କୁହାଯାଉଛି ।
ତାଙ୍କର ଇସ୍ତଫାପତ୍ର ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟ୍ଟନାୟକ ଏବଂ ଜିଲ୍ଲା କଂଗ୍ରେସ କମିଟି ସଭାପତି ମୋହନ ପରିଡାଙ୍କୁ ପଠାଇ ଦେଇଛନ୍ତି । କଂଗ୍ରେସରୁ ଇସ୍ତଫା ଦେବା ପରେ ବିଜୁ ଜନତା ଦଳରେ ଯୋଗଦେବେ ବୋଲି କହିଛନ୍ତି ଶତ୍ରୁଘ୍ନ । ସେ ବିଜେଡିରେ ଯୋଗଦେଲେ ପାଟଣା ନିର୍ବାଚନମଣ୍ଡଳିରେ ଭଲ ପ୍ରଭାବ ରହିବ ବୋଲି ଲୋକଙ୍କ ମଧ୍ୟରେ ଏକ ଆଶା ଆକାଂକ୍ଷା କରାଯାଉଛି।