ସ୍କୁଲରେ ଲାଗିଛି ତାଲା, ଛାତ୍ର ଛାତ୍ରୀଙ୍କ ଭବିଷ୍ୟତକୁ ନେଇ ଚିନ୍ତାରେ ଅଭିଭାବକ
ବରି(ବଡ଼ ଖବର ବ୍ୟୁରୋ): ଦିନକୁ ଦିନ ତୀବ୍ରତର ହେଉଛି ଶିକ୍ଷକ ଆନ୍ଦୋଳନ । ୩ ଦଫା ଦାବି ନେଇ ସାରା ରାଜ୍ୟ ରେ ଶିକ୍ଷକ ମାନେ ଆନ୍ଦୋଳନ ଆରମ୍ଭ କରିଥିବା ବେଳେ ଆଜି ବରୀ ବ୍ଲକ ରେ ମଧ୍ୟ ତାହାର ପ୍ରଭାବ ପଡିଛି ।ବରୀ ବ୍ଲକ ପ୍ରାଥମିକ ଶିକ୍ଷକ ସଂଘ ପକ୍ଷରୁ ଶତାଧିକ ଶିକ୍ଷକ ଶିକ୍ଷୟତ୍ରୀ ମାନେ ଆଜି ବିଦ୍ୟାଳୟ ରେ ତାଲା ପକାଇ ବରୀ ବ୍ଲକ ମଣ୍ଡଳ ଶିକ୍ଷାଧିାକାରୀ ଙ୍କ କାଯ୍ୟାଳୟ ସମ୍ମୁଖ ରେ ଧାରଣା ଦେଇଥିବା ଦେଖିବାକୁ ମିଳିଛି। ଫଳରେ ବରୀ ବ୍ଲକ ସମସ୍ତ ବିଦ୍ୟାଳୟ ବନ୍ଦ ରହିଥିବା ଦେଖିବାକୁ ମିଳିଛି। ବିଦ୍ୟାଳୟ ବନ୍ଦ ଥିବାରୁ ଛାତ୍ର ଛାତ୍ରୀ ମାନଙ୍କ ପାଠ ପଢା ବ୍ୟାଘାତ ହେଉଥିବାବେଳେ ଚିନ୍ତା ରେ ରହିଛନ୍ତି ଅଭିଭାବକ । ବିଦ୍ୟାଳୟ ବନ୍ଦ ରହିଥିବା କୁ ନେଇ ବରୀ ବ୍ଲକ ମଣ୍ଡଳ ଶିକ୍ଷାଧିକାରୀ ଙ୍କ କୌଣସି ପତିକ୍ରିୟା ମିଳିପାରି ନାହିଁ।