ବିକ୍ରମ ଲ୍ୟାଣ୍ଡର ପରେ ସେଲଫି ପଠାଇଲା ଆଦିତ୍ୟ ଏଲ-ୱାନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତର ପ୍ରଥମ ସୂର୍ଯ୍ୟ ମିଶନ ସାଟେଲାଇଟ ଆଦିତ୍ୟ ଏଲ୍‌-ୱାନ ନେଲା ସେଲଫି । ପୃଥିବୀ ଏବଂ ଚନ୍ଦ୍ରର ଫଟୋ ପଠାଇଲା ଆଦିତ୍ୟ ଏଲ୍‌-ୱାନ । ପୂର୍ବରୁ ଚନ୍ଦ୍ରୟାନ-୩ର ଅବତରଣ ପରେ ବିକ୍ରମ ଲ୍ୟାଣ୍ଡର ଅନେକ ଫଟୋ ସେୟାର କରିଥିବାବେଳେ ଏବେ ସୂର୍ଯ୍ୟ ମିଶନରେ ଯାଇଥିବା ଆଦିତ୍ୟ ଏଲ୍‌-ୱାନ ଚନ୍ଦ୍ର ଓ ପୃଥିବୀର ଫଟୋ ସେୟାର କରିଛି ।

ସୂର୍ଯ୍ୟଙ୍କ ନିକଟରେ ପହଞ୍ଚିବା ପୂର୍ବରୁ ଏଥିରେ ଖଞ୍ଜାଯାଇଥିବା କ୍ୟାମେରା ଏହି ଫଟୋ ଉଠାଇଛି । ଚନ୍ଦ୍ର ଏବଂ ପୃଥିବୀର ଫଟୋ ନେବା ସହ ନିଜର ମଧ୍ୟ ଏକ ଫଟୋ ନେଇଛି ଆଦିତ୍ୟ ଏଲ୍‌-ୱାନ । ଇସ୍ରୋ ପକ୍ଷରୁ ଏନେଇ ସୂଚନା ଦିଆଯାଇଛି । ଏହି ଫଟୋରେ ଚନ୍ଦ୍ର ତୁଳନାରେ ପୃଥିବୀ ବଡ ଦେଖାଯାଉଥିବା ଜଣାପଡିଛି ।