ଦଳ ଛାଡିଲେ ଆଉ ଜଣେ ବିଧାୟକ

ମୁମ୍ବାଇ (ବଡ଼ ଖବର ବ୍ୟୁରୋ):  ମହାରାଷ୍ଟ୍ରରେ ଲାଗି ରହିଛି ରାଜନୈତିକ ଉଷ୍ମତା । ଘଡିକେ ବଦଳୁଛି ରାଜନୀତିର ପାଣିପାଗ । ପୁଣି ଥରେ ଶରଦ ପାୱାର ଦଳକୁ ଆଉ ଲାଗିଛି ଆଉ ଏକ ଝଟକା । ଦଳ ଛାଡ଼ିଛନ୍ତି ଆଉ ଜଣେ ବିଧାୟକ । ସୋମବାର ମହାରାଷ୍ଟ୍ରର ୱାଇ ବିଧାନସଭାର ବିଧାୟକ ମରକନ୍ଦ ପାଟିଲ ଅଜିତ ପାୱାରଙ୍କ ଦଳରେ ଯୋଗ ଦେଇଛନ୍ତି। ପାଟିଲ କହିଛନ୍ତି ଯେ, ବିଧାନସଭା କ୍ଷେତ୍ରର ଦୁଇଟି ଚିନି କାରଖାନା ଅର୍ଥନୈତିକ ସଙ୍କଟର ସମ୍ମୁଖୀନ ହେଉଛି, ଏବଂ ଏହାକୁ ବଞ୍ଚାଇବା ପାଇଁ ସେ ଅଜିତ ପାୱାରଙ୍କ କ୍ୟାମ୍ପରେ ଯୋଗ ଦେଇଛନ୍ତି। ଏଥି ସହିତ ୱାଇରେ ପର୍ୟ୍ୟଟନ ସହ ଜଡିତ ସମସ୍ୟାର ସମାଧାନ ହେବ ଏବଂ ବିକାଶମୂଳକ କାର୍ୟ୍ୟ କରାଯିବ ବୋଲି ସେ ଆଶା ରଖିଛନ୍ତି।