ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଉତ୍ତରପ୍ରଦେଶ ନିର୍ବାଚନକୁ ନେଇ କରିଥିବା ଘୋଷଣାର କିଛି ସମୟ ପରେ ୟୁଟର୍ଣ୍ଣ ନେଇଛି ଶିବସେନା । ଦଳୀୟ କାର୍ଯ୍ୟକାରିଣୀରେ ସମସ୍ତ ୪୦୩ ବିଧାନସଭା ଆସନରେ ପ୍ରାର୍ଥୀ ଦିଆଯିବ ବୋଲି ଘୋଷଣା କରାଯାଇଥିଲା । ମାତ୍ର ବର୍ତ୍ତମାନ ଶିବସେନା ମାତ୍ର ୧୦୦ ଟି ବିଧାନସଭା ଆସନରେ ପ୍ରାର୍ଥୀ ଦେବ ବୋଲି ଗଣମାଧ୍ୟମ ନିକଟରେ ସ୍ପଷ୍ଟ କରିଛି ।
ଏନେଇ ଶିବସେନା ମୁଖପାତ୍ର ସଞ୍ଜୟ ରାୱତ ସୂଚନା ଦେଇଛନ୍ତି । ସେହିପରି ଗୋଆରେ ଶିବସେନା ୨୦ ଟି ଆସନରେ ପ୍ରତିନ୍ଦ୍ୱତିତା କରିବ ବୋଲି ସୂଚନା ମିଳିଛି । ଯଦି ଆବଶ୍ୟକ ପଡ଼େ ତାହାଲେ ଗୋଆରେ ମେଣ୍ଟ ଗଠନ କରାଯିବ ବୋଲି ସଞ୍ଚୟ ରାୱତ କହିଛନ୍ତି ।
