ବ୍ୟାଙ୍କ ଠକେଇର ଶିକାର ହେଲେ ଶ୍ୟାମ ସୁନ୍ଦର
ଯାଜପୁର(ବଡ଼ ଖବର ବ୍ୟୁରୋ): ବଢ଼ୁଛି ବ୍ୟାଙ୍କ ଠକେଇ । ଦିନକୁ ଦିନ ବଢ଼ୁଛି ଅଭିଯୋଗ। ଏହିଭଳି ଏକ ଅଭିଯୋଗ ଆସିଛି ଯାଜପୁର ଜିଲ୍ଲା ବାରବାଟି ୟୁକୋ ବ୍ୟାଙ୍କ ଶାଖାରୁ। ଏହି ବ୍ୟାଙ୍କ କର୍ତ୍ତୃପକ୍ଷଙ୍କ ଠକେଇର ଶିକାର ହେଇଥିବା ଅଭିଯୋଗ କରିଛନ୍ତି ଚକ ଗୋପାଳପୁର ଗ୍ରାମର ରବୀନ୍ଦ୍ର ଗୁଇଁଙ୍କ ପୁଅ ଶ୍ୟାମ ସୁନ୍ଦର ।
ସେ ଅଭିଯୋଗ କରିଛନ୍ତି କି ୨୦୧୭ମସିହାରୁ ଏହି ବ୍ୟାଙ୍କରୁ ଏକ ସି ସି ଲୋନ ୧୨ ଲକ୍ଷ ଟଙ୍କାର ନେଇଥିଲେ। ତେବେ ଦୁଇ କିସ୍ତିରେ ତାଙ୍କର ୧୬ ଲକ୍ଷ ଟଙ୍କାକୁ ବ୍ୟାଙ୍କ କର୍ତ୍ତୃପକ୍ଷ ଜାଲିଆତି କରି ଉଠାଇ ନେଇଥିବା ବେଳେ ତାଙ୍କ ନାମରେ ଲାଗିଛି ଲୋନ୍ ସୁଝିବାକୁ ନୋଟିସ। ବାରମ୍ବାର ବ୍ୟାଙ୍କକୁ ଦୌଡ଼ି ଦୌଡ଼ି ହତାସ ହେବା ପରେ କୌଣସି ଉତ୍ତର ନ ପାଇ ମାମଲା ଏବେ ଖାଉଟି ଅଦାଲତରେ ପହଞ୍ଚିଛି। ୮ହଜାର ଚେକକୁ ଟ୍ୟାମ୍ପରିଂ କରି ୮ଲକ୍ଷ ଉଠି ଯାଇଛି।
ସେହିପରି ଜାଲ ଭାଉଚର କରି ଆଉ ୮ଲକ୍ଷ ମଧ୍ୟ ହଡ଼ପ ହୋଇଛି। ୧୨ଲକ୍ଷ ଲିମିଟ ଥିବା ବେଳେ କେମିତି ଉଠିଲା ୧୬ଲକ୍ଷରୁ ଅଧିକ ଟଙ୍କା, ତାକୁ ନେଇ ପ୍ରଶ୍ନ ଉଠାଇଛନ୍ତି ଶ୍ୟାମ ସୁନ୍ଦର । ଜୋନାଲ ଅଫିସଙ୍କ ଷ୍ଟେଟମେଣ୍ଟ ପରେ ସାମ୍ନାକୁ ଆସିଛି ଏହି ଜାଲିଆତି। ତେବେ ଏ ଅଭିଯୋଗ ବିଷୟରେ କୌଣସି ପ୍ରତିକ୍ରିୟା ଦେବାକୁ ମନା କରିଛନ୍ତି ବ୍ୟାଙ୍କ କର୍ତ୍ତୁପକ୍ଷ ।