କର୍ଣ୍ଣାଟକରେ ସିଦ୍ଦରମେୟା ବନାମ ଶିବକୁମାର, କିଏ ହେବ ମୁଖ୍ୟମନ୍ତ୍ରୀ?

କର୍ଣ୍ଣାଟକ(ବଡ଼ ଖବର ବ୍ୟୁରୋ): କର୍ଣ୍ଣାଟକରେ କିଏ ହେବ ମୁଖ୍ୟମନ୍ତ୍ରୀ । ସିଦ୍ଦରମେୟା ବନାମ ଡିକେ ଶିବକୁମାର । କର୍ଣ୍ଣାଟକରେ କଂଗ୍ରେସର ବିପୁଳ ବିଜୟ ପରେ ଉତ୍ସବ ମନାଉଛି କଂଗ୍ରେସ । ଏହାରି ଭିତରେ ଦୁଇ ପ୍ରମୁଖ ନେତାଙ୍କ ମଧ୍ୟରେ ଦେଖାଦେଇଛି ଦ୍ୱନ୍ଦ୍ୱ । ପୂର୍ବତନ ମୁଖ୍ୟମନ୍ତ୍ରୀ ସିଦ୍ଦରମେୟା ଓ କଂଗ୍ରେସ ରାଜ୍ୟ ସଭାପତି ଡିକେ ଶିବକୁମାର । କିଏ ହେବ ରାଜ୍ୟର ମୁଖ୍ୟମନ୍ତ୍ରୀ ।

ସିଦ୍ଧରମେୟା ୨୦୧୩ରୁ ୨୦୧୮ ଯାଏଁ ରାଜ୍ୟ ମୁଖ୍ୟମନ୍ତ୍ରୀ ପଦ ସମ୍ଭାଳିଥିଲେ । ୧୯୮୩ରେ ପ୍ରଥମ ଥର ପାଇଁ ବିଧାନସଭାକୁ ନିର୍ବାଚିତ ହୋଇଥିଲେ ସିଦ୍ଦରମେୟା । ୧୯୯୪ରେ ତତକାଳୀନ ଜନତା ଦଳ ସରକାରରେ ଉପମୁଖ୍ୟମନ୍ତ୍ରୀ ହୋଇଥିଲେ । ପରେ ସେ ଦଳରୁ ବହିଷ୍କାର ହେବା ପରେ ୨୦୦୮ରେ ସେ କଂଗ୍ରେସରେ ଯୋଗ ଦେଇଥିଲେ । ଏବଂ ୨୦୧୩ରେ କଂଗ୍ରେସ ସରକାରରେ ମୁଖ୍ୟମନ୍ତ୍ରୀ ହୋଇଥିଲେ ।

ଶିବକୁମାର ମଧ୍ୟ ଦଳର ଜଣେ ପ୍ରମୁଖ ନେତା କର୍ଣ୍ଣାଟକର ସବୁଠୁ ଧନୀ ନେତା ହେଉଛନ୍ତି ଶିବକୁମାର । ରାଜ୍ୟରେ ୨୦୧୯ରେ ଦଳକୁ ବଡ଼ ବିପର୍ଯ୍ୟୟରୁ ରକ୍ଷା କରିଥିଲେ ଶିବକୁମାର । ୧୯୮୯ରୁ ଆଜି ପର୍ଯ୍ୟନ୍ତ ଯେତେ ନିର୍ବାଚନ ଲଢିଛନ୍ତି ସବୁଥିରେ ତାଙ୍କର ବିଜୟ ହୋଇଛି । କର୍ଣ୍ଣାଟକରେ ଦଳ ବିଜୟ ହେବା ପରେ ସେ କହିଛନ୍ତି ଗାନ୍ଧି ପରିବାରକୁ ଦଳକୁ ବିଜୟ କରିବା ପାଇଁ ପ୍ରତିଶ୍ରୁତି ଦେଇଥିଲି । ଏବଂ ପ୍ରତିଶ୍ରୁତି ଦେବା ପରେ ସେ ୩ ବର୍ଷ ଶୋଇନଥିଲି । ତେବେ ମୁଖ୍ୟମନ୍ତ୍ରୀ କିଏ ହେବ ତାର ପ୍ରଶ୍ନରେ ଶିବକୁମାର କହିଛନ୍ତି, କଂଗ୍ରେସ ଅଫିସ ହେଉଛି ତାଙ୍କ ପାଇଁ ମନ୍ଦିର । ଅନ୍ୟପଟେ ସିଦ୍ଦରମେୟା ବାରମ୍ବାର କହି ଆସୁଛନ୍ତି ଏହା ତାଙ୍କ ଜୀବନର ଶେଷ ନିର୍ବାଚନ । କଂଗ୍ରେସ ତାଙ୍କୁ ମୁଖ୍ୟମନ୍ତ୍ରୀ କରିବ ବୋଲି ସେ ଆଶା ରଖିଛନ୍ତି । କଂଗ୍ରେସର ଅନେକ ନେତା ତାଙ୍କୁ ବାହାର ଲୋକ ବୋଲି ମତ ରଖିଛନ୍ତି । କର୍ଣ୍ଣାଟକର ଜନସାଧାରଣ ପରିବର୍ତ୍ତନ ଚାହାନ୍ତି, ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ଜନାଦେଶ ଦେଇଛନ୍ତି ବୋଲି ସିଦ୍ଦରମେୟା କହିଛନ୍ତି । ତେବେ ଶିବକୁମାର ନା ସିଦ୍ଦରମେୟା କାହାକୁ ମୁଖ୍ୟମନ୍ତ୍ରୀ କରିବ ଦଳ ତା ଉପରେ ପୁରା କର୍ଣ୍ଣାଟକର ନଜର ।
ବ୍ୟୁରୋ ରିପୋର୍ଟ ବଡ଼ ଖବର