ଭୁବନେଶ୍ଵର (ବଡ଼ ଖବର ବ୍ୟୁରୋ): ଭାରତୀୟ ବିବାହରେ ଖାଦ୍ୟ ବହୁତ ଗୁରୁତ୍ୱପୂର୍ଣ୍ଣ । ଖାଦ୍ୟକୁ ନେଇ ମଧ୍ୟ ବିବାହ ଭାଙ୍ଗିଯାଇଥାଏ । ଏଭଳି ଏକ ଘଟଣା ଓଡ଼ିଶାର ଯାଜପୁରରେ ଦେଖିବାକୁ ମିଳିଛି । ବାହାଘର ପାଇଁ ବରଯାତ୍ରୀମାନେ ଝିଅ ଘରେ ପହଞ୍ଚିଥିଲେ । ଝିଅ ଘରେ ବରଯାତ୍ରୀ ପହଞ୍ଚିବା ପରେ, ବରଯାତ୍ରୀଙ୍କୁ ସ୍ୱାଗତ କରାଯାଇଥିଲା । ବିବାହ ରୀତିନୀତିରେ ଚାଲିଥିଲା । ଏହି ସମୟରେ ବରଯାତ୍ରୀ ଜାଣିବାକୁ ପାଇଲେ କି ଖଦ୍ୟରେ ମଟନ ହୋଇନାହିଁ । ଏହା ଜାଣିବା ପରେ ବରଯାତ୍ରୀ କ୍ରୋଧିତ ହୋଇଥିଲେ ।
ଏହି ଖବର ଯେତେବେଳେ ବର ରମାକାନ୍ତ ପାଟ୍ରା ଜାଣିବାକୁ ପାଇଲେ ସେତେବେଳେ ମାମଲା ଗୁରୁତର ହୋଇଥିଲା । ବର ମଧ୍ୟ ରାଗିଯାଇଥିଲେ । ମାମଲା ଏତେ ଗୁରତର ହେଲା ଯେ, ବର ବିବାହ କରିବାକୁ ମନା କରିଦେଇଥିଲା । ଝିଅଘର ଲୋକମାନେ ବରକୁ ବୁଝାଇବାକୁ ବହୁ ଚେଷ୍ଟା କରିଥିଲେ ହେଲେ ବର ମାନି ନ ଥିଲେ । ପରେ ସେମାନେ ସେଠାରୁ ପଳାଇଥିଲେ । ବର ସେଦିନ ତାଙ୍କ ସମ୍ପର୍କିୀୟଙ୍କ ସହ ତାଙ୍କ ଗାଁକୁ ଯାଇ ତାଙ୍କ ଘରେ ରହିଥିଲେ । ସେଠାରେ ବର ଅନ୍ୟ ଜଣେ ଝିଅକୁ ବିବାହ କରିଥିଲେ । ପୋଲିସ ଅନୁସାରେ ଥାନାରେ ଏବାବଦରେ କୌଣସି ଅଭିଯୋଗ ପଞ୍ଜିକୃତ ହୋଇନାହିଁ ।
