ତାଲିବାନଙ୍କ ଗୁଳିବର୍ଷାରେ ୧୭ ମୃତ

(ବଡ଼ ଖବର ବ୍ୟୁରୋ): ତାଲିବାନ ଆତଙ୍କବାଦୀମାନେ ଶନିବାର ପଞ୍ଜଶିର ପ୍ରମୁଖ ଅଞ୍ଚଳ ଦଖଲ କରିବା ପରେ ଖୁସିରେ ଆତ୍ମହରା ହୋଇ ଫାଙ୍କା ଗୁଳି ଚାଳନା କରିଥିଲେ । ଏହି ଗୁଳି ବର୍ଷା ନିରୀହ ଲୋକଙ୍କ ପାଇଁ କାଳ ହୋଇଛି । ଏହି ଗୁଳି ବର୍ଷାରେ ୩ ଜଣ ଶୁଶୁଙ୍କ ସମେତ ୧୭ ଜଣଙ୍କ ମୃତ୍ୟୁ ହୋଇଛି । ୪୦ ରୁ ଅଧିକ ଆହତ ହୋଇଛନ୍ତି ।

ତାଲିବାନ କମାଣ୍ଡର ପଞ୍ଜଶିର ଦଖଲ କରିଥିବା ଘୋଷଣା କରିବା ପରେ ତାଲିବାନ ବାହିନୀ ରାସ୍ତାରେ ବୁଲି ବୁଲି ଗୁଳି ଫୁଟାଇଥିଲେ । ଏହାଦ୍ୱାରା ବହୁ ସଂଖ୍ୟାକ ନିରୀହ ଜନତାଙ୍କ ମୃତ୍ୟୁ ହୋଇଛି । ଏହାସହ ପଞ୍ଜଶିରରେ ବିଦ୍ରୋହୀ ବାହିନୀ ନେତା ଅହମଦ ମସୋଦ କହିଛନ୍ତି, ପଞ୍ଜଶିରକୁ ତାଲିବାନ କବଜା କରିଥିବା ନେଇ ଯେଉଁ ଖବର ପ୍ରସାର ହୋଇଛି ତାହା ମିଛ । ଅନ୍ୟପଟେ ଅମରୁଲ୍ଲା ସାଲେ କହିଛନ୍ତି, ପଞ୍ଜଶିରର ୩୦୦ ଆତଙ୍କବାଦୀଙ୍କୁ ଆମେ ମାରିଛୁ ।