https://youtu.be/tZo1gqJfcpU
ଭୁବନେଶ୍ୱର (ବଡ଼ ଖବର ବ୍ୟୁରୋ): ଭୁବନେଶ୍ୱର ଜନତା ମୈଦାନରେ ଚାଲିଛି ଭାଷା ସମ୍ମିଳନୀ । ଆଜି ହେଉଛି ତୃତୀୟ ଦିନ । ମାଟିର ବନ୍ଦନା ବନ୍ଦେ ଉତ୍କଳ ଜନନୀ ଗାନ ସହ ଭାଷା ସମ୍ମିଳନୀର ଉଦ୍ଘାଟନ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସାରା ବିଶ୍ୱରେ ଓଡ଼ିଆ ଭାଷାର ପ୍ରଚାର-ପ୍ରସାର, ସଂରକ୍ଷଣ ଏବଂ ଓଡ଼ିଆ ଭାଷା ପ୍ରୀତି ଜାଗ୍ରତ କରିବା ଉଦ୍ଦେଶ୍ୟରେ ଏଭଳି ଏକ ଆୟୋଜନ କରିଛନ୍ତି ରାଜ୍ୟ ସରକାର ।
ତେବେ ଏହି ସମ୍ମିଳନୀର ଉଦଘାଟନ ସମୟରେ ଓଡ଼ିଆ ସରକାରଙ୍କ ଦ୍ୱାରା ମାଷ୍ଟର ଅଫ ସେରିମନି ଥିବା ସଂହତି ପାଣି ଉଦଘାଟନ ସମୟରେ ଭୁଲରେ କାନ୍ତକବି ଲକ୍ଷ୍ମୀକାନ୍ତ ମହାପାତ୍ରଙ୍କୁ କଣ୍ଠକବି ଲକ୍ଷ୍ମକାନ୍ତ ମହାପାତ୍ର ବୋଲି କହିଥିଲେ । ଯାହାକୁ ନେଇ ସମଗ୍ର ଓଡ଼ିଶା ଓ ଓଡ଼ିଆଙ୍କ ମନରେ ଅସନ୍ତୋଷ ଦେଖାଦେଇଥିଲା । ଏବେ ଏହାକୁ ନେଇ ପ୍ରତିକ୍ରିୟା ରଖିଛନ୍ତି ସଂହତି ପାଣି । କହିଛନ୍ତି ଏହା ହେଉଛି ଗୋଟେ ସ୍ଲିପ୍ ଅଫ ଟଙ୍ଗ୍ । କୌଣସି ଇନଟେସନ ନଥିଲା । ମୁଁ ମୋର ଭୁଲକୁ ବିନମ୍ର ଭାବେ ସ୍ୱୀକାର କରୁଛି । ଦୀର୍ଘ ୨୦ ବର୍ଷ ହେବ ମୁଁ ପ୍ରଧାନମନ୍ତ୍ରୀ , ମୁଖ୍ୟମନ୍ତ୍ରୀ, ପ୍ରେସିଡେଣ୍ଟ ଅଫ ଇଣ୍ଡିଆର ପ୍ରୋଗ୍ରାମ କରୁଛି । ଆଜି ଯାଏ ଏମିତି କେବେ ବି ହୋଇନି ।
ହଜାର ହଜାର ଲୋକଙ୍କ ସାମ୍ନାରେ କହିଲା ବେଳେ ବ୍ୟାକ ଷ୍ଟେଜରୁ ପ୍ରେସର ହୁଏ । ଆଉ ବେଳେ ବେଳେ ସ୍ଲିପ୍ ଅଫ ଟଙ୍ଗ୍ ହୋଇଯାଏ । ସରକାର ଚେଷ୍ଟା କରିଛନ୍ତି ଓଡ଼ିଆ ଭାଷା, ସଂସ୍କୃତି ଦେଶ ଓ ବିଦେଶରେ ଲୋକପ୍ରିୟତା ହେଉ । କିନ୍ତୁ ଏହି ସ୍ଲିପ୍ ଅଫ ଟଙ୍ଗ ଟ୍ରୋଲିଂ ପାଇଁ ଏ ଚେଷ୍ଟା ଉପରେ ପୂରା ପାଣି ପଡ଼ିଯାଉଛି । ଆଉ ନେଗେଟିଭ ଇମ୍ପାକ୍ଟ ଓଡ଼ିଶା ଉପରେ ପଡ଼ୁଛି । ସେଥିପାଇଁ ବିନମ୍ର ଅନୁରୋଧ ଓଡ଼ିଆ ଲୋକଙ୍କୁ ସମର୍ଥନ କରନ୍ତୁ । କାରଣ ଯଦି ଭାଷା ଯୋଡେ ଭାଷା ଅଲଗା ବି କରେ ।
