ସାହାଯ୍ୟ କରିବାକୁ ଯାଇ ଋଣ କଲେ ସୋନୁ ସୁଦ୍

ମୁମ୍ବାଇ (ବଡ଼ ଖବର ବ୍ୟୁରୋ): କରୋନା ମହାମାରୀ ସମୟରେ ଲୋକଙ୍କ ସାହାଯ୍ୟ କରି ବେଶ ଚର୍ଚ୍ଚାରେ ରହିଥିଲେ ଅଭିନେତା ସୋନୁ ସୁଦ୍ । ଲକଡାଉନ ସମୟରେ ସେ ହଜାର ହଜାର ଲୋକଙ୍କୁ ଟଙ୍କା ଏବଂ ଖାଦ୍ୟ ସହ ଘରେ ପହଞ୍ଚାଇବାରେ ସହଯୋଗ କରିଥିଲେ । ତାଙ୍କର ଉଦାରତା ଦେଖି ଲୋକମାନେ ତାଙ୍କୁ ‘ଖ୍ରୀଷ୍ଟ’ ବୋଲି କହିବା ଆରମ୍ଭ କରି ଦେଇଥିଲେ । ଲୋକଙ୍କୁ ସାହାଯ୍ୟ କରିବା ପାଇଁ ସେ ତାଙ୍କର ଆଠଟି ସମ୍ପତ୍ତି ବନ୍ଧକ କରି ୧୦ କୋଟି ଟଙ୍କାର ଋଣ ନେଇଥିବା ଜାତୀୟ ଗଣମାଧ୍ୟମରେ ପ୍ରକାଶ ପାଇଛି ।

ମନି କଣ୍ଟ୍ରୋଲ ଡଟ୍ କମ୍ ରିପୋର୍ଟ ଅନୁଯାୟୀ ସୋନୁ ଦୁଇଟି ଦୋକାନ ଏବଂ ଫ୍ଲାଟ ବନ୍ଧକ ରଖିଛନ୍ତି। ଏହି ସମ୍ପତ୍ତି ସୋନୁ ଏବଂ ତାଙ୍କ ପତ୍ନୀ ସୋନାଲିଙ୍କ ନାମରେ ରହିଥିଲା । ବ୍ୟାଙ୍କ ସୋନୁଙ୍କୁ ତାଙ୍କର ଆଠଟି ସମ୍ପତ୍ତି ପାଇଁ ୧୦ କୋଟି ଟଙ୍କାର ଋଣ ଦେଇଛନ୍ତି । ଦଲିଲ ଅନୁଯାୟୀ ସୋନୁ ୧୦ କୋଟି ଟଙ୍କା ଋଣ ଉପରେ ପାଞ୍ଚ ଲକ୍ଷ ଟଙ୍କା ପଞ୍ଜୀକରଣ ଫି ପ୍ରଦାନ କରିଛନ୍ତି। ବର୍ତ୍ତମାନ ସୋନୁ ସୁଦ ଚାଷୀଙ୍କ ପାଇଁ ସ୍ୱର ଉତ୍ତୋଳନ କରିଛନ୍ତି ଏବଂ ସୋସିଆଲ ମିଡିଆରେ ନିଜର ପ୍ରତିକ୍ରିୟା ଦେଇଛନ୍ତି। ସୋନୁ ସୁଦ ତାଙ୍କ ଅଫିସିଆଲ ଟ୍ୱିଟର ଆକାଉଣ୍ଟରେ କୃଷକମାନଙ୍କ ପାଇଁ ଲେଖିଥିଲେ, ‘କିଷାନ ହି ହିନ୍ଦୁସ୍ତାନ’ ଜ୍ଝ ସୋସିଆଲ ମିଡିଆରେ ସୋନୁ ସୁଦଙ୍କ ଟ୍ୱିଟ ଦିନକୁ ଦିନ ଭାଇରାଲ ହେବାରେ ଲାଗିଛି। ଅଭିନେତାଙ୍କର ଅନେକ ପ୍ରଶଂସକ ତାଙ୍କ ଟ୍ୱିଟକୁ ବହୁତ ପସନ୍ଦ କରିଛନ୍ତି ।