ଘଷିପୁରା ନିର୍ବାଚନମଣ୍ଡଳିରେ ସୌମ୍ୟଙ୍କ ଶକ୍ତି ପ୍ରଦର୍ଶନ
ଘଷିପୁରା (ବଡ଼ ଖବର ବ୍ୟୁରୋ): ଘଷିପୁରା ନିର୍ବାଚନମଣ୍ଡଳିରେ ସ୍ବାଧୀନ ପ୍ରାର୍ଥୀ ସୌମ୍ୟ ରଞ୍ଜନ ପଟ୍ଟନାୟକଙ୍କ ଶକ୍ତି ପ୍ରଦର୍ଶନ । ଶୈଲଙ୍ଗ ଠାରୁ ଏକ ବିଶାଳ ବାଇକ ରାଲି ମାଧ୍ୟମରେ ଶକ୍ତିପ୍ରଦର୍ଶନ କଲେ ସୌମ୍ୟ। ଏହି ରାଲି ଶୈଲଙ୍ଗରୁ ଆରମ୍ଭ ହୋଇ ବିଭିନ୍ନ ପଞ୍ଚାୟତ ପରିକ୍ରମା ପୂର୍ବକ ପଥପ୍ରାନ୍ତ ସଭା ମାଧ୍ୟମରେ ଭୋଟରଙ୍କ ନିକଟତର ହେବାକୁ ଉଦ୍ୟମ ଜାରି ରଖିଥିଲେ। ଆୟୋଜିତ ପଥପ୍ରାନ୍ତ ସଭାରେ ସୌମ୍ୟ ଘସିପୁରା ନିର୍ବାଚନମଣ୍ଡଳିର ବିକାଶକୁ ଭିନ୍ନ ଢଙ୍ଗରେ ଗଢିତୋଳିବା ପାଇଁ ପ୍ରତିଶ୍ରୁତି ଦେଇଥିଲେ। ନିର୍ବାଚନରେ ବିଜୟୀ ହୋଇ ଏକ ଶାନ୍ତିପ୍ରିୟ ଘଷିପୁରା ନିର୍ବାଚନମଣ୍ଡଳୀରେ ପରିଣତ କରିବା ତାଙ୍କର ମୁଖ୍ୟ ଲକ୍ଷ୍ୟ ବୋଲି ମତବ୍ୟକ୍ତ କରି ଭୋଟରଙ୍କ ମନ ଜିଣିବାକୁ ପ୍ରୟାସ କରିଥିଲେ।