ବନ୍ଦ ରହିଛି ଶ୍ରୀଲିଙ୍ଗରାଜଙ୍କ ପଇତା ଲାଗି ନୀତି

ଭୁବନେଶ୍ୱର(ବଡ଼ ଖବର ବ୍ୟୁରା): ଆଜି ବନ୍ଦ ରହିଛି ଶ୍ରୀଲିଙ୍ଗରାଜଙ୍କ ପବିତ୍ରରୋପଣ ନୀତି । ପଇତା ଲାଗି ସେବା ଅଧିକାରୀକୁ କେନ୍ଦ୍ରକରି ପୂଜାପଣ୍ଡା ଓ ସେବାୟତଙ୍କ ମଧ୍ୟରେ ବିବାଦ ଲାଗିରହିଛି । ଫଳରେ ୨ ବର୍ଷ ହେବ ଶ୍ରୀଲିଙ୍ଗରାଜ ନୂତନ ପଇତା ପରିଧାନ କରି ପାରୁନାହାନ୍ତି। ପଇତାନୀତି ବନ୍ଦ ରହିବା ଫଳରେ ଏହାର ପ୍ରଭାବ ଶ୍ରୀଜିଉଙ୍କ ଅନ୍ୟାନ୍ୟ ନୀତି ଉପରେ ପଡିଥିଲା ।

ଠାକୁରଙ୍କ ନୀତି ସ୍ୱାଭାବିକ ହେବା ଲାଗି ସାଢେ ୩ ଘଣ୍ଟା ବିଳମ୍ବ ହୋଇଥିଲା । ଆଜି ଶ୍ରାବଣ ଶିବ ଚତୁର୍ଦ୍ଦଶୀ ତିଥି । ଏହି ପବିତ୍ର ମୁହୂର୍ତ୍ତରେ ଆବହମାନ କାଳରୁ ଶ୍ରୀଲିଙ୍ଗରାଜ ନୂଆ ପଇତା ଧାରଣ କରିବାର ବିଧି ରହିଛି । ଏଥିପାଇଁ ଗତକାଲିଠୁ ପ୍ରସ୍ତୁତି ଚାଲିଥିଲା ।