ଦିଲ୍ଲୀର କାଲକାଜୀ ମନ୍ଦିରରେ ମଞ୍ଚ ଭୁଶୁଡ଼ି ମହିଳା ମୃତ, ୧୭ ଆହତ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀର କାଲକାଜୀ ମନ୍ଦିର କାର୍ଯ୍ୟକ୍ରମ ପାଇଁ ଆୟୋଜନ ବେଳେ ଅଘଟଣ । ମଞ୍ଚ ଭୁଶୁଡ଼ି ଜଣେ ମହିଳା ମୃତ, ୧୭ ଆହତ । କାଲକାଜୀ ମନ୍ଦିରରେ ଚାଲିଥିଲା ଭଜନ କୀର୍ତ୍ତନର ଆସର । ଭକ୍ତି ରସରେ ଭୁଜୁଥିଲେ ଭକ୍ତ । ହେଲେ କେହି କିଛି ଜାଣିବା ଆଗକୁ ହଠାତ୍ ଭୁଶୁଡି ପଡିଥିଲା ମଞ୍ଚ । ଘଟଣାସ୍ଥଳରେ ଭଙ୍ଗା ମଞ୍ଚ ତଳେ ଚାପି ହୋଇ ଜଣଙ୍କର ମୃତ୍ୟୁ ହୋଇଥିବା ବେଳେ ୧୭ ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଚିକିତ୍ସା ନିମନ୍ତେ ହସ୍ପିଟାଲରେ ଭର୍ତ୍ତି କରାଯାଇଛି । ମୃତକ ଜଣଙ୍କ ଜଣେ ମହିଳା ହୋଇଥିଲା ଜଣାପଡିଛି । କିନ୍ତୁ ତାଙ୍କ ପରିଚୟ ବର୍ତ୍ତମାନ ସୁଦ୍ଧା ସ୍ପଷ୍ଟ କରାଯାଇନାହିଁ ।
ଶନିବାର ବିଳମ୍ବିତ ରାତିରେ ଏପରି ଅଘଟଣ ଘଟିଥିଲା ।ଜାଗରଣ ଆୟୋଜକଙ୍କ ବିରୋଧରେ ଏକ ମାମଲା ରୁଜୁ କରିଛି ପୋଲିସ । ପୋଲିସର ସୂଚନା ଅନୁଯାୟୀ, କାର୍ଯ୍ୟକ୍ରମ ଆୟୋଜନ କରିବାକୁ କୌଣସି ଅନୁମତି ଦିଆଯାଇନଥିଲା । ସୁରକ୍ଷା ଦୃଷ୍ଟିରୁ ଘଟଣାସ୍ଥଳରେ ପୋଲିସ କର୍ମୀଙ୍କୁ ନିୟୋଜିତ କରାଯାଇଥିଲା । ସେଠାରେ ପ୍ରାୟ ୧୫୦୦-୧୬୦୦ ଲୋକ ଏକାଠି ହୋଇଥିଲେ । ମଞ୍ଚ ଭୁଶୁଡିବା ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ ।