ମୂର୍ତ୍ତି ଉଚ୍ଚତା ପ୍ରସଙ୍ଗ, ଦ୍ୱିତୀୟ ଦିନରେ ଅନଶନ

କଟକ (ବଡ଼ ଖବର ବ୍ୟୁରୋ): ମୂର୍ତ୍ତି ଉଚ୍ଚତାକୁ ନେଇ ଦ୍ବିତୀୟ ଦିନରେ ଆମରଣ ଅନଶନ । ମୂର୍ତ୍ତି ଉଚ୍ଚତା ପ୍ରସଙ୍ଗରେ କଟକର ଦୁଇଟି ସ୍ଥାନରେ ଆମରଣ ଅନଶନରେ ବସିଛନ୍ତି କଟକବାସୀ। ଏଲଆଇସି ପାର୍କିଂ ପାଖରେ ଆମରଣ ଅନଶନରେ ବସିଛନ୍ତି କଟକର ୪୦ ଗୋଟି ସାମାଜିକ ସଂଗଠନର କର୍ମକର୍ତ୍ତା।

ଯେ ପର୍ଯ୍ୟନ୍ତ ସରକାର ମୂର୍ତ୍ତି ଉଚ୍ଚତା ଓ ପରଦା ଆଢୁଆ ରେ ମା’ଙ୍କ ପୂଜା ପାଇଁ ପୁନର୍ବିଚାର ନକରିଛନ୍ତି ସେ ପର୍ଯ୍ୟନ୍ତ ଅନଶନ ଜାରି ରହିବ ବୋଲି ସାମାଜିକ ସଂଗଠନ ସଦସ୍ୟମାନେ କହିଛନ୍ତି। ଅନ୍ୟପକ୍ଷରେ ହିନ୍ଦୁ ଜାଗରଣ ମଞ୍ଚ ପକ୍ଷରୁ କଟକ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସି ରହିଛନ୍ତି ଶହ ଶହ କର୍ମୀ।