ଆଜିଠୁ ସୁଭଦ୍ରା ଶକ୍ତି ମେଳା

ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜିଠୁ ଭୁବନେଶ୍ୱର ଜନତା ମୈଦାନରେ ଆରମ୍ଭ ହେବ ‘ସୁଭଦ୍ରା ଶକ୍ତି ମେଳା । ଉଦଘାଟନ କରିବେ ମୁଖ୍ୟମନ୍ତ୍ରୀ ମୋହନ ମାଝୀ। ମାର୍ଚ୍ଚ ୨ ଯାଏଁ ଚାଲିବ ମେଳା । ରାଜ୍ୟବ୍ୟାପୀ ଏସଏଚଜି ମହିଳା ସାମିଲ୍‌ ହେବେ । ଏସ୍‌ଏଚ୍‌ଜି ମହିଳାଙ୍କ ଦ୍ବାରା ପ୍ରସ୍ତୁତ ସାମଗ୍ରୀ ବିକ୍ରି ହେବା ୯ଦିନ ଧରି ଚାଲିବାକୁ ଥିବା କାର୍ଯ୍ୟକ୍ରମରେ ଲାଗିବ ୩୦୦ରୁ ଅଧିକ ଷ୍ଟଲ । ଗୋଟିଏ ସ୍ଥାନରେ ଏକାଠି ହେବ ହଜାର ହଜାର ମିଶନ ଶକ୍ତି ମହିଳା ।

ରାଜ୍ୟର ବିଭିନ୍ନ ପ୍ରାନ୍ତରୁ ସ୍ଵୟଂ ସହାୟିକା ମହିଳା ଗୋଷ୍ଠୀ ଏବଂ ଉତ୍ପାଦକ ଗୋଷ୍ଠୀମାନଙ୍କ ଦ୍ଵାରା ପ୍ରଦତ୍ତ ସାମଗ୍ରୀର କରାଯିବ ପ୍ରଦର୍ଶନୀ । ଭୁବନେଶ୍ବର ବ୍ୟତୀତ ୪ଟି ସ୍ଥାନରେ ଆଞ୍ଚଳିକ ମେଳା ମଧ୍ୟ ଅନୁଷ୍ଠିତ ହେବ, ରାଜ୍ୟର ପ୍ରତିଟି କୋଣରେ ଏସଏଚଜି ଉତ୍ପାଦ ପହଞ୍ଚାଇବାକୁ ଲକ୍ଷ ରହିଥିବା ଉପମୁଖ୍ୟମନ୍ତ୍ରୀ କହିଛନ୍ତି । ମାର୍ଚ୍ଚ ୨ ତାରିଖ ଯାଏ ୯ଦିନ ଧରି କାର୍ଯ୍ୟକ୍ରମ ଅନୁଷ୍ଠିତ ହେବ । ହସ୍ତଶିଳ୍ପ ଓ ଜୈବିକ ଉତ୍ପାଦର ବିଭିନ୍ନ ସାମଗ୍ରର ପ୍ରଦର୍ଶିତ କରାଯିବ ।