କାହିଁକି ଆତ୍ମହତ୍ୟା କଲେ ରୁଚିସ୍ମିତା?
ବଲାଙ୍ଗୀର(ବଡ଼ ଖବର ବ୍ୟୁରୋ): ଆଲବମ୍ ଅଭିନେତ୍ରୀଙ୍କ ଆତ୍ମହତ୍ୟା । ବଲାଙ୍ଗୀରର ଆଲବମ୍ ଅଭିନେତ୍ରୀ ରୁଚିସ୍ମିତା ଗୁରୁ ଆତ୍ମହତ୍ୟା କରିଥିବା ଜଣାପଡ଼ିଛି । ବଲାଙ୍ଗୀର ସୁଦପଡ଼ା ଘରୁ ତାଙ୍କର ଝୁଲନ୍ତା ମୃତଦେହ ଉଦ୍ଧାର କରାଯାଇଛି । କାହିଁକି ଆତ୍ମହତ୍ୟା କଲେ ରୁଚୁସ୍ମିତା । ଆତ୍ମହତ୍ୟାର କାରଣ କଣ । ଏଭଳି ନିଷ୍ପତି କାହିଁକି ନେଲେ ରୁଚିସ୍ମିତା ତାହା ସ୍ପଷ୍ଟ ହୋଇନି । ରୁଚିସ୍ମିତା ଜଣେ ଲୋକପ୍ରିୟ ଆଲବମ୍ ଅଭିନେତ୍ରୀ । ସମ୍ବଲପୁରୀ ଗୀତରେ ସେ ଅଭିନୟ କରି ଲୋକପ୍ରିୟତା ଅର୍ଜନ କରିଛନ୍ତି । ଅଭିନେତ୍ରୀ ସହ ସେ ଜଣେ କଣ୍ଠଶିଳ୍ପୀ ।
ସୂଚନା ଅନୁସାରେ ସେ ତାଙ୍କ ମାଆଙ୍କ ସହ ମାମୁଁ ଘରକୁ ଯାଇଥିଲେ । ମାମୁଁ ଘର ପରିବାର ଲୋକଙ୍କ ସହ ମାଆ ବାହାରକୁ ଯାଇଥିଲେ । ଘରକୁ ଫେରିବା ପରେ ଝୁଲନ୍ତା ଅବସ୍ଥାରେ ରୁଚିସ୍ମିତାଙ୍କ ମୃତଦେହ ଦେଖିଥିଲେ । ଖବର ପାଇ ଘଟଣାସ୍ଥଳରେ ଟାଉନ ଥାନା ପୁଲିସ ପହଁଚି ତଦନ୍ତ ଆରମ୍ଭ କରିଛି ।