ସ୍ତ୍ରୀକୁ ହାଣି ସ୍ୱାମୀର ଆତ୍ମହତ୍ୟା

ଚାନ୍ଦବାଲି (ବଡ଼ ଖବର ବ୍ୟୁରୋ): ପାରିବାରିକ କଳହରୁ କରୁଣ ପରିଣତି । ସ୍ତ୍ରୀକୁ ଭୁଜାଲିରେ ହାଣି ସ୍ୱାମୀର ବିଷ ପିଇ ଆତ୍ମହତ୍ୟା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଧାମରା ଥାନା ଅଧିନ ଝାଡ଼କଟା ଗ୍ରାମରେ । ସ୍ତ୍ରୀକୁ ଭୁଜାଲିରେ ହାଣିବା ପରେ ସ୍ୱାମୀ ବିଷପିଇ ଜୀବନ ହାରିଛି। ମୃତକ ହେଲେ ପର୍ଶୁରାମ ରଣା । ଧାମରା ଅଞ୍ଚଳ ଝାଡକଟା ଗ୍ରାମର ସ୍ୱାମୀ ପର୍ଶୁରାମ ସ୍ତ୍ରୀ ପାର୍ବତୀ ସହ ଝଗଡା କରିଥିଲେ । ପରେ ଏକ ଭୁଜାଲିରେ ପାର୍ବତୀଙ୍କ ମୁଣ୍ଡକୁ ଆଘାତ କରିଥିଲେ ।

ପାର୍ବତୀର ଚିତ୍କାର ଶୁଣି ପଡୋଶୀମାନେ ଆସି ପାର୍ବତୀକୁ ପ୍ରଥମେ ଧାମରା ମେଡିକାଲ ପରେ ଭଦ୍ରକ ଜିଲ୍ଲା ମେଡିକାଲକୁ ସ୍ଥାନାନ୍ତରିତ କରିଥିଲେ । କିନ୍ତୁ ପରେ ପର୍ଶୁରାମ ନିଜ ଘରେ ଥିବାବେଳେ ବିଷଖାଇ ଦେଇଥିଲେ । ପୁନଶ୍ଚ ପଡୋଶୀ ପର୍ଶୁରାମକୁ କଟକ ମେଡିକାଲକୁ ନେଇ ଯାଉଥିବା ବେଳେ ବାଟରେ ତାଙ୍କର ମୃତ୍ୟୁ ଘଟିଥିଲା । ବରର୍ତ୍ତମାନ ପାର୍ବତୀଙ୍କ ଅବସ୍ଥା ସୁସ୍ଥ ଥିବା ଜଣାପଡ଼ିଛି ।