ପ୍ରସୂତି କରିବାକୁ ଚାଲିଲେ ୪ କି.ମି.

କେନ୍ଦୁଝର (ବଡ଼ ଖବର ବ୍ୟୁରୋ): ଗାଁ କୁ ନାହିଁ ପକ୍କା ରାସ୍ତା । ଜନନୀ ଯନ୍ତ୍ରଣାକୁ ସହ୍ୟ କରିନପାରି ଚାରି କିଲୋମିଟର ଚାଲିଲେ ଗର୍ଭବତୀ । ଜନନୀ ଯନ୍ତ୍ରଣାର ଛାତି ଥରା ଦୃଶ୍ୟ । ଜନନୀ ସୁରକ୍ଷା ପାଇଁ ସରକାର ବହୁ ଯୋଜନା କରିଥିବା ବେଳେ ଜଣେ ଗର୍ଭବତୀଙ୍କୁ ୪ କିଲୋମିଟର ଚାଲି ଆମ୍ବୁଲାନ୍ସ ପାଖକୁ ଯିବାକୁ ପଡ଼ିଛି।

ଏଭଳି ଘଟଣା ଦେଖିବାକୁ ମିଳିଛି, କେନ୍ଦୁଝର ଜିଲ୍ଲା ପାଟଣା ବ୍ଲକ ବଣ ମହୁଲଡିହ ଗ୍ରାମରେ । ଆଜି ବି ଅପହଞ୍ଚ ଇଲାକା ହୋଇ ରହିଛି ଏହି ଗାଁ । ଗ୍ରାମକୁ ପକ୍କା ରାସ୍ତାଟିଏ ନାହିଁ । ସୁରେନ୍ଦ୍ର ମାଝୀଙ୍କ ପତ୍ନୀ ପାର୍ବତୀ ମାଝୀଙ୍କୁ ଏଭଳି ଯନ୍ତ୍ରଣା ସହିବାକୁ ପଡ଼ିଛି । ତେବେ ପାର୍ବତୀଙ୍କୁ ପ୍ରଥମେ ପାଟଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପରେ ପାର୍ବତୀଙ୍କ ଅବସ୍ଥା ଅତି ଗୁରୁତର ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।