ସୁନ୍ଦରଗଡ(ବଡ଼ ଖବର ବୁରୋ): ସୁନ୍ଦରଗଡ ଜିଲ୍ଲା ବଣାଇ ଉପଖଣ୍ଡର ଗୁରୁଣ୍ଡିଆ ବ୍ଲକର ଜର୍ଡ଼ା ରେଞ୍ଜର କୁଣ୍ଡେଇଢିଆ , ଲଚଡ଼ା, ବାଲିଆ,ଅଞ୍ଚଳରେ ଲାଗିରହିଛି ହାତୀ ଉପଦ୍ରବ । ୩୦ଟିକିଆ ହାତୀପଲ ଗାଁ ମୁହାଁ ହୋଇଥିଲେ । ଗ୍ରାମବାସୀ ଭୟଭୀତ ହୋଇପଡିଥିଲେ । ବନବିଭାଗ କର୍ମଚାରୀମାନେ ଆସି ହାତୀପଲ ଘଉଡ଼ାଇ ଥିଲେ । ହାତୀମାନେ ଏକର ଏକର ଧାନଫସଲ ଓ ପନିପରିବା ନଷ୍ଟ କରିଦେଇଥିବାରୁ ଚାଷୀଙ୍କ ଚିନ୍ତା ବଢିଯାଇଛି । ହାତୀପଲ ଏବେ ବଣାଇ ରେଞ୍ଜର ଅଞ୍ଚଳରେ ଅଛନ୍ତି । କ୍ଷତିପୂରଣ ପାଇଁ ଚାଷୀମାନେ ଦାବି କରୁଛନ୍ତି ।
