ଭୁବନେଶ୍ୱର (ବଡ଼ ଖବର ବ୍ୟୁରୋ): ସୁଶାନ୍ତ ସିଂଙ୍କ ବୟାନ ତାଙ୍କ ଭିତରେ ଥିବା ଭୟକୁ ସୁଚାଉଛି। ତେଣୁ ତୃତୀୟ ମହଲାର ଲୋକଙ୍କୁ ଖୁସି କରିବା ପାଇଁ ସେ ଏଭଳି ବୟାନ ଦେଇଛନ୍ତି ବୋଲି କହିଛନ୍ତି ବିଜେପି ନେତା ପ୍ରଦୀପ ପୁରୋହିତ । ସେ କହିଛନ୍ତି ପଶ୍ଚିମ ଓଡ଼ିଶାର ସବୁ ବିଧାୟକ ଓ ସାଂସଦ ସିଟ ବିଜେଡି ଜିତିବ ଵାହସ୍ପଟ ମାରୁଛନ୍ତି । ସେ ନିଜକୁ ପଶ୍ଚିମ ଓଡ଼ିଶାର ମାଲିକ ଭାବୁଛନ୍ତି। ଜଣେ ମାଲିକ ନ ହେଲେ ଏମିତି କହି ପାରିବନି। ସେ ଯାହାକୁ ଚାହିଁବେ ଲୋକ ତାକୁ ଭୋଟ ଦେବେ ଭାବିବା ଭୁଲ। ତାଙ୍କ ଭିତରେ ଯେଉଁ ଅସନ୍ତୋଷ ଅଛି ତାକୁ ନିଜେ ସମ୍ଭାଳନ୍ତୁ। ତାଙ୍କ ମନରେ ଗର୍ବ ଥିଲା ତାଙ୍କୁ ଛାଡ଼ି ମୁଖ୍ୟମନ୍ତ୍ରୀ କାହାକୁ ମନ୍ତ୍ରୀ କରିବେ ନାହିଁ। ତାଙ୍କୁ ଛାଡି ବିଜୁ ଜନତା ଦଳ ଆଗକୁ ଯିବ ନାହିଁ ।
ଏ ସ୍ୱପ୍ନ ଭାଙ୍ଗି ଗଲା।ତେଣୁ ତାଙ୍କ ସମର୍ଥକମାନେ ଅସନ୍ତୋଷ ହେଲେ । ତୃତୀୟ ମହଲରୁ ଯେତେବେଳେ ଚାପ ଆସିଲା । ତେଣୁ ସେ ଭୟଭୀତ ହୋଇଯାଇଛନ୍ତି । ବିନା ସରକାର ଓ ପୋଲିସ ବିନା ସହାୟତାରେ ତାଙ୍କ କଳା ରାଜୁତି ଚାଲିବ ନାହିଁ। ତେଣୁ ସେ ଭୟଭୀତ ହୋଇ ତୃତୀୟ ମହାଲାକୁ ସନ୍ତୁଷ୍ଟ କରିବା ପାଇଁ ପଶ୍ଚିମ ଓଡ଼ିଶାରେ ସବୁ ବିଧାୟକ ଓ ସାଂସଦ ସିଟ ଜିତିବୁ ବୋଲି କହିଛନ୍ତି। ୨୪ ବର୍ଷରେ ନବୀନ ସରକାର ଲୋକଙ୍କ ମୌଳିକ ସମସ୍ୟା ସମାଧାନ କରି ପାରି ନାହିଁ। ତେଣୁ ପଶ୍ଚିମ ଓଡ଼ିଶାବାସୀ ତାର ଉଚିତ ଜବାବ ଦେବେ। ସୁଶାନ୍ତ ସିଂ ପ୍ରଥମେ ତାଙ୍କ କଥା ଚିନ୍ତା କରନ୍ତୁ।
