ଆକ୍ସନ ମୁଡରେ ଭଦ୍ରକ ଅବକାରୀ ବିଭାଗ

ଭଦ୍ରକ, (ବଡ଼ ଖବର ବ୍ୟୁରୋ): ଭଦ୍ରକରେ ଦିନକୁ ଦିନ ନିଶା କରବାର ବଢ଼ିବାରେ ଲାଗିଛି । ପୋଲିସକୁ ଚକମା ଦେଇ ବେଧଡ଼କ ଭାବେ କାରବାର ଚଳାଇଛନ୍ତି ନିଶା ବ୍ୟବସାୟୀ । ଏମିତିକି ପୋଲିସକୁ ମାଡ଼ ମାରିବା ପାଇଁ ମଧ୍ୟ ପଛାଉନାହାନ୍ତି ଏମାନେ । ଦୁଇଦିନ ପୂର୍ବେ ଅବକାରୀ ଇନ୍ସପେକ୍ଟରଙ୍କୁ ମାଡ଼ ଘଟଣା ପରେ ଆକ୍ସନ ମୋଡକୁ ଆସିଛି ଅବକାରୀ ବିଭାଗ । ଆଜି ମିର୍ଜାପୁର ଅଞ୍ଚଳରେ ଚଢ଼ାଉ କରି ବିପୁଳ ଦେଶୀ ମଦ ଜବତ କରାଯାଇଛି । ଏକ ବିଶ୍ୱସ୍ତ ସୂତ୍ରରୁ ଖବର ପାଇ ମିର୍ଜାପୁର ଚମାର ସାହିରେ ଚଢ଼ାଉ କରି ୫୦୦ ଲିଟର ଦେଶୀ ମଦ ଜବତ କରିବା ସହ ଜଣେ ମହିଳାଙ୍କ ସମେତ ୬ଜଣଙ୍କୁ ଗିରଫ କରିଛି ଅବକାରୀ ବିଭାଗ ।