କୋଇଡା (ବଡ଼ ଖବର ବ୍ୟୁରୋ):ରାଉରକେଲା ADM ଅଫିସରେ କାର୍ୟ୍ୟରତ ମହିଳା ଆସିଷ୍ଟାଣ୍ଟ କଲେକ୍ଟରଙ୍କ ସନ୍ଧେହଜନକ ମୃତ୍ୟୁ ଘଟିଛି । ଗତ ଶନିବାର ମହିଳା ଆସିଷ୍ଟାଣ୍ଟ କଲେକ୍ଟର ସସ୍ମିତା ମିଞ୍ଜ ନିଜ ଗାଁ ରାଜଗାଙ୍ଗପୂର୍ ରାମାବାହାଲରୁ ଅଫିସ ଯାଇଥିଲେ । ହେଲେ ଘରକୁ ଫେରି ନଥିଲେ । ପରିବାର ଲୋକେ ଫୋନ୍ କରିବାରୁ ଫୋନ୍ ମଧ୍ୟ ଉଠାଇ ନଥିଲେ। ପରେ ତାଙ୍କ ଫୋନ୍ ରୁ ମେସେଜ କରିଥିଲେ ଯେ ଘରକୁ ଯିବି ନାହିଁ ।
କାର୍ଯ୍ୟ ବ୍ୟସ୍ତତାରେ ଅଛି , ତାପରଦିନ ପରିବାର ଲୋକେ ଉଦିତ ନଗର ଥାନାରେ ନିଖୋଜ ରିପୋର୍ଟ କରିଥିଲେ । ପରେ ଗତ ମଙ୍ଗଳବାର ରାତିରେ ସେନ୍ସରି ପାର୍କରୁ ମୃତଦେହ ଉଦ୍ଧାର ହୋଇଛି । ପରିବାର ଲୋକଙ୍କ ଅଭିଯୋଗ ଯେ ହତ୍ୟା କରାଯାଇଛି । ହତ୍ୟା ପଛରେ ସହକର୍ମୀ, ଅଧିକାରୀଙ୍କ ସଂପୃକ୍ତି ରହିଛି । ପରିବାର ଲୋକେ ପ୍ଲାଣ୍ଟ ସାଇଟ୍ ଥାନାରେ ହତ୍ୟା କରାଯାଇଥିବା ଲିଖିତ ଅଭିଯୋଗ ମଧ୍ୟ କରିଛନ୍ତି । ଯାହାକୁ ନେଇ ପୋଲିସ ତଦନ୍ତ ଆରମ୍ଭ କରିଛି ।
