ଇତିହାସ ରଚିଲେ ଭାରତର ଝିଅ ସ୍ୱାତୀ ମୋହନ
ନୂଆଦିଲ୍ଲୀ (ବଡ଼ ଖବର): ଇତିହାସ ରଚିଲେ ଭାରତର ଝିଅ ସ୍ୱାତୀ ମୋହନ । ଆମେରିକାର ସଫଳତା ପଛରେ ଭାରତୀୟ-ଆମେରିକୀୟ ସ୍ୱାତୀ ମୋହନଙ୍କ ରହିଛି ବିଶେଷ ଅବଦାନ । ଆମେରିକାର ଅନ୍ତରିକ୍ଷ ଏଜେନ୍ସି ନାସା ନିଜ ଜ୍ଞାନ କୌଶଳରେ ପ୍ରସ୍ତୁତ ପର୍ସିଭରେନ୍ସ ରୋଭରକୁ ସଫଳତାର ସହ ଜୋଜୋରା କ୍ରାଟରରେ ଅବତରଣ କରିଛି । ୭ ମାସର ଯାତ୍ରା ପରେ ରାତି ୩ଟା ୫୫ରେ ଏହା ମଙ୍ଗଳର ଏକ ଦୁର୍ଗମ ଅଞ୍ଚଳରେ ଓହ୍ଲାଇଛି ।
ସ୍ୱାତୀ ଏହି ମିଶନ୍ରେ ଭର୍ଚୁଆଲ୍ ମାଧ୍ୟମରେ ନେତୃତ୍ୱ ନେଇଥିଲେ । ରୋଭର୍ ଲ୍ୟାଣ୍ଡିଂ ସମୟରେ ସେ କଠିନ ପରିସ୍ଥିତିର ସାମ୍ନା କରିଥିଲେ । ସଫଳ ଲ୍ୟାଣ୍ଡିଂ ପରେ ସ୍ୱାତୀ ନାସାର ମୁଖ୍ୟାଳୟରେ କହିଛନ୍ତି ଯେ, ଟଚ୍ଡାଉନ୍ ପର୍ଫମ ହୋଇଯାଇଛି । ପର୍ସିଭରେନ୍ସ ସଫଳତା ପୂର୍ବକ ମଙ୍ଗଳ ଗ୍ରହକୁ ଛୁଇଁଛି । ଏବେ ବଞ୍ଚିଥିବା ଜୀବନ ସମ୍ପର୍କରେ ଏହା ଖୋଜିବା ଆରମ୍ଭ କରିବ । କମ ବୟସରେ ସେ ଷ୍ଟାର ଟ୍ରେକର ସରିଜକୁ ନେଇ ଖୁବ ପ୍ରଭାବିତ ହୋଇଥିଲେ ।
"@NASAPersevere is still in space right now, about 9,000 miles from Mars. So far, she is healthy and on course."
Swati Mohan, @NASAJPL engineer on the rover's landing team, provides a status update on the #CountdownToMars: pic.twitter.com/g5lSdyPPkW
— NASA (@NASA) February 18, 2021
ସେ କର୍ଣ୍ଣଲ ୟୁନିଭର୍ସିଟିରୁ ମେକାନିକାଲ୍ ଇଞ୍ଜିନିୟରିଂରେ ବିଏସି ପରେ ସେ ଏରୋନେଟିକ୍ସରେ ଏମଏସ ଏବଂ ଏମଆଇଟିରୁ ପିଏଚଡି କରିଥିଲେ । ଏହି ରୋଭର ମାଟି ତଳେ ପାଣିର ସନ୍ଧାନ ଓ ଜୀବନ ସନ୍ଧାନ ଏବଂ ତତ୍ ସମ୍ବନ୍ଧିତ ଅନୁସନ୍ଧାନ କରିବ । ଏହି ରୋଭର ମଙ୍ଗଳରେ ୧୦ ବର୍ଷ କାମ କରିପାରିବ । ଏଥିରେ ରୋଭରର ୧୦ ଫୁଟ ବିଶିଷ୍ଟ ରୋବୋଟିକ ବାହୁ, ୨୩ ଟି କ୍ୟାମେରା ରହିଥିବା ନାସା କହିଛି ।